راسي ياخال من عنا الوقت منداشي
صابني ماصابه في زمانه وداشه
نعنبو حضي الردي ونعنبو واشي
ونعنبو الصحيب اللي صدق واشه
زمانن استو فيه صاحي وغشاشي
وراعي الطيب أصبح مثل غشاشه
صارالذيب مرتعه وسط الاحواشي
والحصني ياخال محدن قدر له وحاشه
والجني من اولن لا شافه يجيه ارعاشي
واليوم فنه و رقصه هو سبة ارعاشه
مسكين ياذيبن اصبح مطعمه اعراشي
عطاه الحصني بقايا صيده لعراشه
وعقب هذا والله لثبت ولا نحاشي
في موقفي يوم خلق الله نحاشه
بعز نفسي واجامل واقول عاشي
والحر الاشقر حول السماء عشاشه
ابلعن الشيطان وبفرش فراشي
وكلن على قد حضه يفرش فراشه
صافين قلبي واصفا من الشاشي
وانقى من أخبار الجزيره وسط شاشه
وياراسي ارتاح دام الزمن ماشي
وان ماطاعك الوقت سايره وماشه
دام حضي بهالدنيا وسط الانعاشي
اصبر وطلب الله يعجل بإنعاشه
مالعبت بصغري باكمان والا كراشي
ولا كسبت المرجله بجمع كراشه
لعبت عضيم ساري والسبق وطرح حاشي
كسبت المرجله من ابوي وجدي وغراشه
شكيتلك ياخال من شين بجاشي
وانت الشجيع ابن الشجيع قوين جاشه
لعبي الوقت لعب طاش ما طاشي
وسر قلبي كامنه بصندوقه
ما طاشه