وربي اني اشوف المقطع ودموعي ماليه وجهي تذكرت نفسي وتعبي وسهري واجتهادي وحرصي وطموحي نفس الشهادات نفس الدرجات نفس القسم .. افرح بشهادات االتفوق والمراكز الاولى نهاية كل ترم ارجع للبيت وانا طايره من الفرحه لحظن امي وابوي وكنت متوقعه كل سنه مجرد درجه بسلم طموحي اللي كان ما يحده اي مدى ومع الايام اكتشفت كانت مجرد خطوات لتعليق هالشهادات ديكور مكمل للبيت في برواز ذهبي قديم ومع الوقت بهت الخط وتبخرت الكلمات والحين اشوف اللي اجتهد وثابر بالضبط زي اللي كان ماخذ المدرسه وساعة صدر ووناسه واستهبال حافز خلا الكل سوا بل بالعكس ظلم الكثير الكثير بشروطه التعجيزيه يعني وحده مجتهده وثابرت واخذت كم شهاده بس عمرها خمس او ست وثلاثين تتواسى بوحده تاركه الدراسه من اولى ثانوي عشان نومة الصبح ويجيها الفين ريال شهري وين العدل بالله حركت المواجع يا بنك الله يسامحك وربي بلحظه حسيت قلبي بيتقطع استغفرت والتفت لبنتي نايمه بجنبي ضميتها وحضنتها وحمدت ربي انو رزقني زوج وعيال ملو علي حياتي ونسوني هالشهادات وما صار عشانها لدرجة من كثر ما حاولت بوظيفه ويأست يمين بالله ما عاد ادري وينها الحمدلله على كل حال حسبنا الله سيؤتينا الله من فضله انا الى ربنا راغبون