وآآو

مووضووعك روووعآآ لبى رووحك

وآانا ببدأ

اما قصتي يمكن بعضكم قروهـآ ’

وهي قصة العجوز مع ابليس ..


كان يا ما كان في قديم الزمان ………يحكى أن عجوز تحدت إبليس

وقالت إن كيدها أعظم من كيده وتحدته إنها تسوي مشكله واذا ما قدر يحلها أنها راح تحلها وتفوز بالرهان .....

راحت العجوز لواحد من هالعاطلين اللي ما عندهم شغل ويا كثرهم وقالت أنت يا كمخه أنا بشغلك عندي فترة معينه بس……. اذا تبي فلوس لا تتدخل ولا تتكلم وافق الشاب لأنه طفش من البطاله ويبي فلوس.

راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش

العجوز: رخص يا ابن الحلال …

التاجر :اذا أنتي ما عندك فلوس خذي شيء أرخص

العجوز : ما أقدر ….لازم ولا يصير شيء ما صار **** والعجيز تبكبك********

التاجر :ليش ؟؟ …..لهالدرجه …..شسالفه؟؟

!العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها

وهو قالي أن عارضتي الزواج بأطردك من البيت وأمرني أني أشتري قماش غالي عشان يعطيها حبيبته ولا راح يطردني من البيت مع أن البيت بالأساس بيتي ولكني غلطت وكتبته بأسمه **** والعجوز للحين تبكبك ودموعها اربع اربع

التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني

العجوز طلعت مستانسه وقالت للشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق .

رحبت الزوجة ودخلتها وأكرمتها وجابتلها شاي

العجوز:مشكوووووورة ما تقصرين ان شاءالله أردها لك تعمدت تنسى القماش وطلعت.

الزوجة:حرام نست قطعة القماش …أكيد بترجع بعد شوي وتاخذها بروح أحطها بالدولاب..

تاجر القماش رجع لبيته وتغدى ذاك الغدا السنع ونام شوي .

قام العصر وفتح الدولاب بغير ملابسه عشان يروح محله ……مفاجأة قطعة القماش وعرف أن الحرمه اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها.

العجوز كانت تنتظر هاللحظه في أخر الشارع فراحت لها تركض

العجوز: وش فيك يا بنيتي ليش تبكين؟؟؟

الزوجه : زوجي طردني …وما عطاني فرصه أتكلم .

العجوز: خلاص أنا بأوديك بيتي وأنا بروح أحل المشكله

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه حرمه وقعدوا ببيتي حاولت أطلعهم ما قدرت

أحتلوا بيتي ****----- يا كبرها في فمها

ذهبت الشرطه وقبضت على الشاب والزوجه ….ورموهم بالسجن.

العجوز: ها ها وش رايك يا أبليس ؟؟ دورك اللحين حل المشكله

أبليس : لا لا ما أقدر أحلها السالفه تشربكت مرررررررة

العجوز: أنا راح أحلها وكن شي ما صار . وراح أربح الرهان

راحت العجوز تزور الزوجه بالسجن وقالت لها :أنتي ساعدتي مرة وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك.

الزوجة:مشكووورة ….لكن أنتي ؟؟؟

العجوز: مالك شغل مثل ما طلعتك بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وش مسوين؟؟

ردت العجوز:احنا ما سوينا شيء كنا قاعدين ببيتنا أنا ووليدي ولا الشرطه

طابه علينا وماخذينا للسجن .

عصب الوالي وهزأ الشرطه وما عطاهم فرصه يتكلمون ويقول:غلطانين

وتبون تتكلمون.شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و عطاها ذيك الرضاوه اللي تسوى.

العجوز : وش رايك يا إبليس أنا فككت السالفه سهله

قال إبليس كفانا الله شرتس

هههههههههههههههههههههههههههههههههههاي
ورده
وربي العجوووز ذي مصيييييبه
الله يكفينا الشر
هههههههههههههههههههههاي

روووعه ياا ورده

وقاروره ياا قاروره ورده وورد غندوره

<<< فرحانه انه في تفاعل في موضوعهــآآ

عســآآكم ع القوهـ
وننتظر البقيه .

يؤيؤيؤ

<< يااااااحيييف يااحيف

والله عيب عليكم
<< صدقتي ياا ورده فواحه المنتدى هذا كســــووول

وين البنات .؟؟
وين الحكواتيه .
مــآآآكو احد ابدن ..


طــآآآيب يصير خير ...

:(

كيفكم بنات .. كل عام وانتم بخير


سهرتك روعه ياورد وقصصك اروع





موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت آمين ..
الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية ..
وسكت الامام شوي وكأن وده يضحك .. واناماعلي قاصر ضحكت معهم المضحك اني كنت متحمس ولا الضالين

خخخخخخخخ

وحده تقول في يوم من الايام حبيت افاجئ زوجي واسوي له مفاجأه

شريت الاضاءه الي ترشينها على جدران الغرفه كلها وتعطي جو خيال هذى بتصوري ما دريت

انه بينقلب علي

الموهم تقول انتظرت زوجي لين ينام وبعد مده بسيطه نام لانه كان جاي تعبان حيل

مسكت الانوار وكسرتها ووزعتها على كل جدران الغرفه كلها ومن فوق بعد

صارت الغرفه كنها فضاء..

ورحت تكشخت وصرت انا دي عليه بصوت رومنسي وهادي ابيه يصحى بدى يفتح عينه

شوي شوي وانا مبسوطه وشاقه الخشه بعد من الوناسه

وفجاءه الرجال نقــز من السرير ويصرخ استغفر الله استغفر الله وانا مدري وش السالفه

الموهم وصل عند باب الغرفه وسجد وانا متنحه مادري وش السالفه رحت له وقلت له فلان

وش فيك قال القيامه القيامه ...

طلع الرجال صحته الحرمه وشاف الفضاء على باله انا جدران بيته طاحت والنجوم والكواكب

بدت تطيح عليه خش جو ههههههه

قالت له انا حبيت اسوي لك مفاجاه قال بلا مفاجات بلا خربيط

صارت رده فعله قويه وزعل علي ساعات بسيطه

وما قدر ينام الا والنور يشتغل الله لايعيدها من فكره لا قدرت انام عشان النور


ولا فيه سهره بعد هههههههه

بس من جد مو قف كل ما ذكرته قلت له القيامه هاه ههههههههه