سلام يانسيم
بالنسبة لمشكلتك ترا حلها بيدك وممكن يكون سهل جدا او ممكن تكون هذي المشكلة البسيطة سبب في خراب بيتك على الاخر
انا عندي اخوي زي زوجك تقريبا ... يعني يحب يتمشى مع اخواتي يحب يلبي كل طلباتهم يحب حتى يستشيرهم في الاشياء اللي يبغى يشتريها لبيته " واااااااووو" وازيدك من الشعر بيت لما يبغى يشتري لمرته هدية احيان يستشير اخواتي " يعني يمكن حالتك ارحم "
شوفي يابنت الناس اول شي اقوله ليكي حطي في بالك ان زوجك يعرف اخواته ويحبهم قبل مايعرفك واكيد هم يحبوه ومتعلقين بيه خصوصا لو كان اكبر واحد فيهم
يعني اول شي اتحلي بالصبر وحبة حبة انتي راح تصيري الكل في الكل بس كله بالادب والكلمة الحلوة
ثاني حاجة لاتكوني تكثري عليه طلبات يعني في بعض بنات واكيد انتي مش منهم لما يكونوا في زي موقفك يحاولوا يطلبوا من ازواجهم اي شي حتى لو كان تافه الين المسكين يفلس واهم شي عندهم انه مايلبي طلبات اهله
حاولي تتودي لاخوات زوجك عشان خاطر حبيبك زوجك ولاجل عين تكرم الف عين بس شوفي الخطوة هذي مهمة جدا بس لازم اللي تسويه يكون من قلبك مو تمثيل حتى لو لقيتي مضايقات اصبري وصدقيني انتي اللي راح تكسبي في الاخير
حاولي تشوفي اهل زوجك ايش محتاجين ايش ناقص عليهم , يمكن حالتهم المادية تعبانة وقولي لزوجك ترى اهلك ناقصهم كذا وكذا وصدقيني بعدها بفترة حتلاقي زوجك حبيبك يلبي لك طلباتك حتى من دون ماتطلبيها
انتبهي ,انتبهي ,انتبهي ,انتبهي تقارني دايما في كل وقت بين طلباتك وطلبات اهله خاصة طلبات امه وتنكدي عليه في الدخلة والخرجة لانه بصراحة وانا اعرف ان الصراحة تزعل هذه الايام اي رجل يقدر يغير زوجته ويمكن يلاقي احسن منها بس مايقدر يبدل اخواته او امه حتى لو كانةا سيئين
الصبر الصبر الصبر الصبر الصبر الصبر الصبر الصبر الصبر الصبر الصبر الصبر والكلمة الحلوة