لا حولا ولا قوة الا بالله العلي العظيم
والله يااختي حياتك صعبه الله يعينك

انا ماراح ازيد على كلام اختي قائده واخي الهاوي

بس ما حبيت اخرج من غير ما ارد عليك .

الله يفرجهااا عليك ويهديه ويصلح حاله ويتووب عليه


تحياتي /
ورد الحربي

السلام عليكم
أختي قصتك شبيهة بقصتي أنا الآن مطلقة بعد أن عجزت بي السبل لإصلاحه. بالعكس كل ما كنت أصبر و أتحمل كان يزيد في ضلاله. طلقني في رمضان بعد أن جعلني أتنازل له عن كل حقوقي. أختي عليك بالدعاء و صلاة الإستخارة عسى الله أن يؤتيك ما هو خير لك في دينك و دنياك. لا أنكر أن الحياة بعد الطلاق صعبة و ينكسر قلبك على الصغار و لكن أحيانا لا يكون هناك حل آخر. و أنا ما زلت أدعو الله أن يهدي طليقي و يصلح حاله و يرده لي.

السلام عليكم ورحمة الله وبركاته
اشكركم جميعا من كل قلبي ...
اشكركم لقراءة موضوعي والرد عليه ...
ارجو منكم الدعاء لي ولزوجي ادعوا له بالهداية فانا ثقتي بالله كبيييييرة ولن اتوقف عن الدعاء وانشالله تقرؤون اخبار حلوة تسركم قريبا ياااااااااااااارب ......
وارجو قراءة المزيد من التعليقات منكم على موضوعي ..كل وحدة تحط نفسها في مكاني وتقول ايش تسوي ..
والله ارتاح كثيير لما اقرأ ردودكم ..

دمتم بخير ,,

((سبحانك اللهم وبحمدك,اشهد ان لااله الا انت,استغفرك واتوب اليك ))

الله يحفظك ويحفظ لك عيالك ...
احنا نجتهد في حل ماتمري به من ازمات وليست ازمه .. ولكن ليس هذا معناه الحل الامثل و الصحيح ..
اولا : قلتي انك تفكري بالطلاق كذا مره .. ولو انفصلتي تفكري ماتاخذي عيالك ..
حبيبي هذا خطأ لان زوجك مو اهل للمسؤلية ... انسان تهمه الدنيا وشهواتها .. والشيطان معاه ... واكبر دليل عدم صلاته وصيامه دخان وخمر بنات مابقى حرام على وجه الارض الا سواه ..
ابدا لاتفكري تسيبي اطفالك عنده ..
متى المرأه تفكر تسيب اطفالها عند زوجها ؟
اذا كان زوجها يصلي يصوم لكن سيء المعامله معاها .. وكمان تزوج عليها
انا اقولك سيبيهم عنده عشان يعرف كيف ممكن يربيهم هو والسندريلا الجديده.. وانت عيشي حياتك الجديده العزوبيه ... او الزواج الجديد ....
لا والف لا .. لاتسيبي اطفالك عنده .. هذي امانه .... زوجك مو أهل لها ..
انتي استخيري الله في كل وقت... داومي على الاستغفار .. بنية اصلاح زوجك واصلاح حياتك ..
وهدديه انك بتروحين بيت اهلك .. ولا تمكنيه من نفسك ابدا ابدا
دام مايخاف الله ولايخشاه ..بيخافك عليك ... بيصونك .. الشيطان الآن قرين له .. يجمل صورة المنكر في عينه .
اذا ماانعدل في صلواته .. وقضاء الصيام .. بدون هرج معاه ..روحي لاهلك وعزتك ومعاك اولادك .. رتبي كل شي بتكتيك بدون علمه .. وحطي له ورقه مكتوب فيها (انك عند اهلك .. ولايفكر يرجعك .. الا اذا اصلح علاقته مع ربه ..واذا ......... لك تصرف آخر)
وبالنسبه لاهلك .. والدينك الله يحفظهم ويطول بعمرهم .. نعمه انهم في نفس المنطقه .. صحيح كبار سن وتعبانين ...
بس بيتحملوا بنتهم .. انتي قطعه منهم ..
حاولي ترتبي حياة جديده لك .. اذا موظفه كويس ماراح تحتاجي احد
واذا لا .. حاولي تشتغلي اي شي عشان اولادك .. تفكري بمشاريع تخلي احد من اهلك يساعدك ..
اذا جلستي فترة ..وبدا في زوجك خير .. حاولي ترجعي لبيتك ..وان شاء الله ينهدي على يدك ..لانك كذا طالبتي بحقوقك الزوجيه الدينية في عيشتك معاه اللي هي اهم حقوق واساس السعاده الزوجيه .
وحاولي تكلمي اذا جيرانك أو اخواتك اذا في من ازواجهم انسان ملتزم له شخصيته وتاثيره في الكلام عليه او اي انسان تقدري تتوصلي له ممكن
يكون سبب في اصلاح زوجك .
انت الان اصلاحك معاه بالسلم ..
واي طريقه ممكن تفيدك في اصلاحه وتغيير حاله استخدميها غير كلامك انتي معاه (اسمحي لي لانه.. مل من كلامك واسلوبك في الوعظ ..ويعتبره مويه يشربها ويتفلها )
اذا لاحياة لمن تنادي ..
وباذن الله ماتوصل لها المواصيل ..
بعدها ارفعي عليه قضيه بعد ماتعرفي عنه نوعا ما.. اشياء كثيرة وتكون دليل عندك .. اذا كان خمير سكير حق بنات ..
وطبعا لاتنسي الاستخاره والاستغفار في كل خطوة .. ودامك من اهل المدينه اذا قدرتي تروحي الحرم النبوي وتدعي الله وتتوسلي ..
وتاكدي وثقي لو انك سلكتي خطوة ربي ما اراد لك خير فيها ...حيوقفك فيها .. ومابتكملي ..
انتي غرضك هداية زوجك .. ثم .. ان لم يهتدي .. الفرار بحياتك وانقاذها وانقاذ اطفالك الابرياء منه ..
خليك عند اهلك .. وحتى لوحصل طلاق ... مانتهت الدنيا ..
يارب يعطيك على قد نيتك ويرزقك الحياة الافضل منها سواء بذاتك انتي واولادك أو بوجود زوج اخر ..
وانتي سويتي هذا الشي عشان ربي وعشان اطفالك ؟
ماتخافي عليهم بكره من ابوهم ؟
وحتى لو زوجك مانصلح حاله .. ؟
لا تقولي الاستغفار والدعاء ماجاب نتيجه .. اكبر نتيجه انك تحررتي من انسان ليس بينه وبين الله مخافه ..
والله كبيرة مايصلي ولا يصوم موقادرة اصدق .. هذا انسان عايش مع مسلمين ..
حتى الكفار يسلموا اذا كان حولينهم مسلمين ..
لاحول ولاقوة الا بالله ..
يمكن سبحان الله ربي يفوقه حتى لوبعد 5سنين .. ماتدري فين الخير لك
ولعيالك ..
ويرجع بعد توبه .. يارب انك تكتبها له ..
ملحوظه ... بالنسبه لطيبه زوجك في تمشياته او اسلوب حياته من مطاعم وغيرها .. هذا واجب عليه مو تفضل منه .. الناس ارتقوا في اسلوب حياتهم .. بس هذا الشي مايشفع له عند الله ..
السعادة مو في التماشي وغيرها .. السعاده هي الراحة النفسيه والرضا من الله على الانسان .
يشهد الله اني خايفه عليك منه .. لايجيب لك حريم .. عاد مصايب الرجال كثيرة ..
لو حلال نبلعها... رغم انه مو اهل لها ..
لكن المصيبه اذا هو يكلم بنات وراه مصايب في جواله ..
حبيبتي ماابغى اكبر الموضوع في راسك بس حالك جدا صعب ..
انتي استسهلتيه عشانك تعودتي عالهروتين .. فصار عندك تبلد .
اااااااااااااسفه قويه في كلامي ... بس لازم تفوقي ..
هذا زوج .. مو اخ .. او اخت ..
وراه ابناء يتعلمون فعايله ..
عندك نقطه ايجابيه لاحظتها في كلامك ..
انه طيب معاك .. فانتي مرتاحه معاه .. يعني ممكن تاخذي هذي النقطه في صفك ..وتحاولي تغيريه بالحلول السلميه ..
وانتي اعرف بزوجك..
الله يكون بعونك .. ضعي الله نصب عينيك .. واسلكي الطريق الذي يرضي الله .
اسألي استشاريين في الحياة الزوجيه .. لعل احدهم يوضح نقطه ماجات على بالك او اسلوب يهديه لك ويسخره لك .
طمنينا عنك ..
سبحانك اللهم وبحمدك لااله الا انت استغفرك واتوب اليك ..

هذا الشيطان راكبه اعوذ بالله قولي له اذا ماراح تتعدل وتصلي اللي هي اهم شي راح اخذ عيالي واروح عند اهلي وترى على فكره مايجوز الزوجه تجلس عند واحد مايصلي لانه اعوذ بالله كأنه يزني بها لانه كافر اذا ماصلى الله يعينك يا اختي ويصبرك ياااااااااااارب