فراح أقولك ياغلاي انو دائما الشيء اذا زاد عن حده ينقلب ضده وانتي عارفه هالشيء لكن انا ذكرته للتذكير بس
انا ما اكذب عليك وأقول اني ما أغار لاوالله أغار وغيرتي قشرا الله لايوريك
لكن في كثير من الأوقات اسوي نفسي عمياء وصما وطرما وقلبي حجر
وكل اللي يخطر ومايخطر على بالك .. مو عشان شيء الا عشان ماأوقع على شغله تخليني انقلب لوحش مفترس أو بركان ثائر يآكل الاخضر واليابس وأخرب في لحظه كل اللي بنيته بكل قطره من دمي سنين طويله
وكمان لو خليت للغيره طريق راح تبني قدامي مباني وش كبرها وكثرها من الشكوك والامور اللي مالها أول ولا تالي .. يعني ياغلاي الغيره محموده والزوج يحبها في زوجته وفيه كثير من الازواج يستفز زوجته
عشان يعرف هي تغار عليه والا لأ .. لكن المهم ماتتحول لمرض وشك وحب تملك وحصار مستمر .. يعني حطي ببالك يالغاليه ان أكثر اسباب الغيره يكون
عدم ثقه في النفس وأنا اتوقع ان هالشيء مو فيك لكن لو خليتيها تسيطر عليك راح تهز شخصيتك وتضعفها وراح تقلل ثقتك في نفسك لاقدر الله
ومادام انتي شايفه ان زوجك ماشي تمام ماشاء الله فلا تحاولي تحركي أمور راكده
أسأل الله ان يسخر لك زوجك وأن يجعلك أحب النساء اليه