يالبى قلبه بس

أنا كان معي أخوي

جلس ساعة يعزمني عند الباب ادخل عليه

دخلت سلمت و انا عيوني تحت رد علي و جلست جنبه

و عطيته ظهري من الحيا

شافني مرتبكة قام يسولف مع اخوي عشان يلطف الجو

قام اخوي قال اخليكم لوحدكم شوي

قال لي مطوله على هالحال؟ أبي أشووفك ممكن ؟؟

وووووه بس لبى قلبه بعدها امممممم

خلاص بسكت مافيني اكمل وحشني

الله يتمم لي على خير ربي يحفظه و يخليه لي ولا يحرمني منه

و يجمعنا يااارب في شرعه على خير تحت سقف واحد

قولوا آآميييين

كنت جالسه مع امه واخواته وشوي اتصل اخوي قال الرجال بيدخل طلعت بسرعه لغرفتي وقفلت الباب جات اختي قالت ياللا اطلعي ينتظرونك قلت هونت مابي اعرس وبعد محاولات فتحت الباب وانا ارجف حتى العصير ماخلوني اخذه عشان ماينكب دخلت الغرفه وعيني بالارض اخوي قال طيب قولي السلام عليكم سويت نفسي ماسمعت جلست جنب اخوي وراسي بالارض وفي يدي منديل جلست اقطع فيه حسيت المنديل بيقول ارحميني المشكله والمصيبه الاعضم انه اخوي تلقف وقاله تعال اجلس قريب منها هو ماصدق جاء وجلس قدامي في الاخير قبل ماطلع قلت مايصير اطلع وماشفته بس رفعت شوي راسي ابناظر بطرف عيني جات عيني بعينه وشكله يقول ليته ماجاءت لان على طول ركضت لغرفتي والحمدلله تمت الامور على خير واللحين كمل لنا سنه متزوجين

هههههه لا أنا غير مااحتجت نظره شرعيه لانه ولد عمتي وكذا مره نطيح ببعض ببيت جدتي مره وببيت عمي ومره كنا مخيمين وبعد الملكه اعترف ان كل مره كان قاصدها يبي يشوفني وابوي قاله تبي تشوفها قال لا اعرفها خخخخخ فضح روحه والحين فديته هو ابو عيالي يسلمو ع الموضوع ذكرتني بأيام مررررره حلوه

والله ايام:cry[1]:<<< احس نفسي شايب:150:
هيا بنت خالتي طفشنا من كثر مانشوف بعض المشكله اني كنت اشوفها بدون عبايه عادي بالسفريات

بس والله يوم الشوفه انا وهيا وابوها واخوها انا عيوني بالارض وهيا عيونها بالارض اخوها دقو عليه اصحابه وسابنا وابوها قال اتركم لحالكم

حتي بعد ماطلع ابوها واحني عيونا بالارض تعرفو يمكن عشان الموقف جدي زواج مو طلعه بالهايدبارك :157:

حاولت اطالع بنص عين ارفع عيني شويه شويه وهيا اتوقع سوت نفس الشي قلتلها كيفك وردت عليا وبس:innocent[1]:

ههههههههههه ذكرتيني بالذي مضى
انا والله ماقدرت ارفع عيني فيه ابدا ومااذكر اني شفت فيه الا شرابه من الخووووووف يكلمني وبسرعه ارد عليه بنفس السرعه تقولين مسابقة خخخخ بس ابي اخلص واطلع وهو ماصدق قام يسولف عن نفسه وعمله وانا ارجف وحسيت نفسي انواع السخونه جاتني ولما خرج سألني اخوي عن اشياء قالها ف عمله ابتذكر واتاريني من الخوف والربكه ماسمعت من الي قاله ولاشي
كل مااقول خلاص ابرفع عيني ابشوفه ولو مره وحده بس لو نظره ماااااقدرت
اكثر شئ اقدر اطالعه نفس الشراب يالله كل مااتذكر الموقف اموووت ضحك وهو زوجي يقول ماني قادر اطالع فيك واشوفك تمام لان اخوي معنا يقول اطالع ف اخوك واستحي منه واقول يارب يخرج عشان يشوفني زين واحمد ربي ماخرج والا كان ضاااعت علومي ومن الربكه الي كنا فيها انا وهو جاب لي هديه ونسي يعطيني اياها رجع فيها البيت واتصلت اخته تضحك علينا وللحين يذكرني ونمووووت من الضحك على انفسنا