اممم ماعرف انا بصراحة ماعندي ذيك الخبرة

بس لما تشوفيه جالس يتفرج ع اي شي او جالس يسوي اي شي حسسيه انك مهتمه باللي يسويه اجلسي تابعي معاه حتى لو مو عاجبكي الوضع تقربي منو شوية شوية
اممم
يوم من الايام البسي فرضا لون يحبو هوا ويكون لبس مررة مرتب وحلو وقوليلو ايش رايك فيه عليا شاركيه اي شي في حياتك عشان يشاركي لحضاتك

او مرة من المرات طلعي شي ليه ذكرى معاكم يعني

لبس وروحي البسية وقوليلو تذكر متى لبست فرضا ذا؟؟

او صور ملكتكي حتى فرضا او زواجك وقوليلو تعال تفرج معايا الصور وكل صورة قوليلو ايش كنتي حاسة في ذاك الوقت وشاركيه احاسيسك او حتى قولي شي من راسك يعني

او فرضا اجلسي جمبو وقربي منو وان بعد عنك وقوليلو ايش احلى لحظة حسيتها في فترة ملكتنا؟؟
او ذكرية بيوم النظرة

او قوليلو تذكر اول يوم في زواجنا


اممم امكن مانتي فاهمه قصدي ليه تسوي كذا

بس لما تذكرية بالايام الحلوة امكن يشتاق ويحنلها ذيك الايام

ودايما تكشخي والبس احلى ماعندك وقت النوم لاتدخلي تنامي قبلو ابدا

فرضا روحي تحممي وتكشخي والبسي لبس مررا واااو .تعطري بعطرك المفضل او شي يحب ريحتوو وجهزي غرفتكي
شغلي فرضا اغنية لها ذكرا مررا بينكم وطفي اللمبات خليها شمووع او اضاءة خفيفة

وروحي واجلسي جمبو قوليلو ايش تتفرج؟؟
ولما تنعسي قولي فيا نوم بس مو حابة ادخل الغرفة وانام وحدي تعال معايه

ولو دخل شغلي الاغنية وقوليلو بايش تذكرك هذي الاغنية وتكلمي معاه شويتين

وان ماسار شي لاتتمللي وتزعلي لا بالصبر باذن الله كل شي ينحل

ولاتفكري بالطلاق ابدا ابدا ابدا

اممم دحين قرب رمضان وبذي المناسبة فاجئيه بليلة مررا حلوا شوفي هوا مابيتغر في يوم وليله

تقربي منو وحسسيه انك مهتمه مررررررررا فيه وبكل شي

قبل مايخرج دوامو اصحي وسويلو فطور وجهزيلو ملابسوو وافطري معاه

وقبل لايخرج بوسيه >> شي بسيط بس بتحرك مشاعروو

اول مايرجع كمان استقبليه بشكل ناعم وحلو وبوسة وقوليلو تسلملي حياتي الله يعطيك العافيه على اللي تسويه عشاننا
وهوا فرضا في الدوام ارسليلو مسج قولي اشتقت لوجودك او اشتقتلك

او ايش حاب تاكل اليوم ع الغدا




[rainbow]
حياتوو اروى ان الله لايغير ما بقوم حتى يغيروا ما بانفسهم ...وانتي كمان حاول تغيري اطابعك وتقربي منو حبة حبة
بالشي اللي يحبو يعني تابعي الافلام معاه .. وان كان بالبس البسيلو احلى لبس .. وان كان بالجو سويلو احلى جو

قلبوو كثير يهملو نفسهم بعد الولادة او حتى لو ما اهملو سبحان ربي يتغير شي فيهم حتى لو ماكنتي انتي حاستوو

انتي تكلمي معاه حتى لو ماكلمكي وتقربي منو حتى لو ماقرب لك وبإذن الله يرجع ليكي

اممم وبالصبر كل شي ينحل باذن الله

اصبري ولاتفكري في الطلاق لانو ابغض الحلال وذا من الشيطان

وبس تقبلي نصايحي ولو انها مو ذيك النصايح وربنا يهديه وتعيشو مع بعض احلى حياه

^_^ اختك توتـــا
[/rainbow]