الله يعطيكم الف عافيه ياغالين
والله ماادري وش اقول والله جالس مع نفسي الان ووضعي يعلم الله انني في متهي الحزن والدمع على خدي بسبها
والله والذي خلقكم انني لي اربعةايام المح اني تقوم بواجبها تجاهي ولكن طنش
تعبت ورب الايمان تعبت
تقولون ليه ماتقول لها الحقيني قلتها قبل اسبوعين قالت مااحب كذا ابغي رومنسي ابغي تلميحه
كلام بس وانا لي اربعة ايام المح تلميح صريح
والله اليوم طلعت الدوام 6 صباحا رجعت 1 ظهرا لقيتها على الافلام الكورية نمت وصحيت المغرب لقيتها تتفرج جلست الى 11 ليلا على الافلام ثم ذهبت تنام
انا وواولادي اجيب غداء وعشاء من برى وناكل وهي تاكل دقيقه وتروح تشاهد الافلام
هل هناك فعلا امراه مثل اللذي عندي

السلام عليكم اخوي
بصراحة ماادري وش اقول لك
بس احس فيه كلام مو منطقي من اللي تقوله
واذا كان كل اللي تقوله فعلا وواقع و100%
فانت غلطان

يعني وحدة مثل هذي ماتهتم في بيت ولا زوج ولا اولاد
ماتعتبر زوجة

لاتقول اعطيتها اكثر من فرصة
ياحبيبي هذي تسع سنوات على حسب كلامك
وش اللي تصبر على وحدة تسع سنوات

اذا فرضا بتقول بصبر علشان الآولاد
خلاص مافيه مشكلة خير على خير
لكن يحق لك تتزوج

اما انك تقول انه بروح للحرام
هذا تخلف
وحرام

حلوة ذي يعني بتقنعنا ان الحرام هو الحل

مادامك تعطيها خمسة الف وليه تعطيها خمسة الف ؟
خمسمية ريال لها
وانت تكون مسوؤل عن البيت واولادك ومصاريفهم
وتقدر الحمد لله تفتح بيت ثاني

الخلاصة
حدث العاقل بما يُعقل
واذا كان الكلام اللي تقوله صحيح 100% فبصراحة انت اللي عطيتها وجه
وطولت الموضوع وهو مايستاهل كل هالمدة !!!

شكرا

دوي الرعد
والله والذي خلقك جميع ماذكرت انه صحيح بدون مبالغه والله
مشكلتي اولادي وبس

مافيه احلى من الصراحه وبس
انتبه من طريق الحرام لا تدمر نفسك على شي مايسوى

اخوي الغالي
انا بكون قاسيه شوي معاك اتمنى ماتزعل من كلامي
اللي فهمته ان زوجتك مقصره معاك بكل النواحي
صراحه انا احملك جزء من المسؤوليه
البنت ماتحب يعاملها زوجها مثل الخدامه اللي وظيفتها الوحيده تسهر على خدمته
تطبخ وتنفخ وتغسل وبلليل جنس وتحمل باولادك وتولدهم وتربيهم وتلبي طلباتك
عشان اربع ايام بس مانفذت طلبك ولا فرغت فيها شهوتك قررت تتزوج عليها ...لها الدرجه هي رخيصه عندك....طيب وين العشرة وين الموده...والاعشانها ماتبيك تجامعها صارت المخطئه...والاخوان طبعا ماقصروا زادوا الطين بله...اللي يشجع واللي يطبل واللي يزمر مابقى غير يحجزون لك قاعة العرس واتحدى واحد منهم يتجرأ يتزوج على زوجته...
ياجماعه لاتخربون بيت الرجال بنصايحكم البايخه...
زوجتك واضح انها عايشه كبت مشاعر معاك يعني انت بعد مقصر معها بالمشاعر موبس الحياة كلها جنس لا...
انا عن نفسي افضل زوجي يكون رومنسي يحسسني بانوثتي يطلعني ويسفرني ويغير جو معاي يدلعني ولا ابيه يعطيني مليون ريال وبالليل يجي يفرغ شهوته وينام وانا محبوسه بين اربع جدران ....وش الفايده...فلوس الدنيا ماتعوض عن غياب مشاعر الزوج ومحبته
وبعدين لو انك تقعد معاها وتناقشها وتوعدون بعضكم انكم تتغيرون للافضل ترى هذا الحل
يعني ترى لو استمريت بطباعك صدقني لو تتزوج مية حرمه كلهم بيصرون زي حرمتك
تقبل كلامي بصدر رحب
اتمنى ماتزعل يا اخوي مني لاني مابي حياتك تنهار وعيالك يتشتتون بدون ذنب