أختي أغانيج
اسعدك الله في الدارين
وآسف توي أشوف ردك
ما أدري وش أرد عليك بصراحه
عندي حرمه الله يهديها وقت النقاش مع الوالد والوالده
جايت تبغى تكحلها عمتها
انا شريت لي آيفون المهم وقت النقاش تقول شوفوه شراله جوال وقيمته كذا ألف
وما ادري ايش
انا ما قصرت معاها خلال ثلاث أو أربع سنوات من أيام الملكه إلى يومكم هذا شريت لها
قرابة 5 جوالات << مره يطيح في مويه ، ومره ينكسر ، ومره ما ادري وش فيه
ومره أشتري جوال ويكون جوالي القديم نظيف ما ابي أبيعه أعطيها كهديه
آخر جوال أعطيتها N95 المطور وقبلها بكم شهر كان معها جوال والله مافيه زيه اللي يسمونه المرايه
أنا ما أقصر عليها بمصروف إذا سمحت لي الضروف أعطيها 200 ريال من غير بطاقة الشحن
وبعض الأحيان 300 من غير البطاقه حسب الضروف
وبعض الأحيان ما أعطيها بس أروح السوق واخليها تشتري اللي تبيه وعليها 100 ريال بطاقة شحن
يعني آخر مره خليتها تشتري بقرابة 700 ريال في رمضان عشان العيد وعليها 100 ريال بطاقه
طيب ليش كل هذا ما يبين في عينها ؟؟؟؟؟؟؟؟
طيب هل أنا مقصر معاها من ناحية مصرووووف ؟؟؟؟؟؟؟؟؟؟؟
مقاضي البيت أشتريها وتنرمي في القمامه ( أكرمكم الله ) زي ماهي
إيدامات أشتريها بحوالي 150 ولا يقل عنها ولا أشوف الإيدامات الا في الشهر مره
والمره الثانيه باقي الإيدام نفسه في اليوم الثاني
البيض ماشاء الله طباخه فيه فطور وعشاء بيض × بيض
في الشهر أسدد البقاله لا يقل عن 300 ريال وأغلبها من البيض
والله شوي وأحس إني بقلب دجاجه من كثر ما آكل بيض :spying:
لك شكوااااي ياااااارب