السلام عليكم
بصراحه أنا من أشد المعجبين بها المنتدى الرائع
وفرحانه لأني صرت من ضمن الأعضاء:bravo:بتتقطع من الوناسه
وهذي أول مشاركه لي
حبيت أقدم نصيحه لأحلى عضوات
وهي أن تكوني أوفى صديقه لزوجك وأقرب قريبه له أتركي كلام الناس وخليه هو كل حياتك مهما كان أسلوبه مو حلو ومايعرف للرومنسيه والدلع طريق خذي بيده ودليه أنتي عليها
أنا كان زوجي كذا بفترة الملكه ماكان عنده خوات وما يعرف كيف أسلوب البنات في البدايه كنت أزعل لما مايرد علي أو يطنشني هو يشوف أن الأمر عادي وأنا أكل بنفسي سمعت كلام الناس وكل وحده تجيب من عندها اللي تقول لا عادتكلمينه واللي تقول هاوشيه وجربت كل هالأشياء وعلى بالي بغيره بسرعه وعلى كيفي وربي ما تغير
تركت كلام الناس وحسسته بخوفي عليه وإهتمامي فيه قربت أكثر وأكثر فهمته بأسلوبي أني أنثى ومحتاجه له صح أني تعبت معه كثير وربي شاهد علي بس حصلت أحلى وأروع نتيجه الحمدلله قولي ما شاء الله لأحد يصكني بعين وأتطلق قبل الدخله ههههههههههه
هذي نصيحتي وحبيت أهمسها في أذن كل وحده تبي حياه حلوه بإذن الله
وأتمنى تدعولي بحياه زوجيه سعيده لأن زواجي بعد أسبوعين