بسم الله الرحمن الرحيم
السلام عليكم ورحمة الله وبركاته
انا قريب مملكة ولي شهر و نص تقريبا وزواجي ان شاء الله بعد 3 شهور ونص ... عندي كم نقطة حابة اسألكم عنها واشوف ارائكم فيها من خلال تجاربكم ..
اول شيء : بالنسبة للحركات الي تكون بين الزوجين خلال هذي الفترة .. في المرات الاولى ما كان يعمل شيء غير بوسات في الوجه وكنت مررة مستحية اخر مرة زودها ووصلت معاه انه مص الشفايف وانا مررررة انكسفت .. حسيت انه ما كان له داعي .. ما زعلت بس انحرجت معه .. اليوم التاني لما كلمني لمحت له انه احرجني و المفروض انه ما يصير دا الشي الا قدام شوي مو الحين وقته .. المهم حسيت انه قفل التلفون وهو زعلان مني واتضايق شوي و في نفس الوقت انبسط اني صارحت بشي في نفسي .. وفي اليوم الي بعده لما كلمني حسيت من صوته انه متضايق و ما طول بالتلوفن معي قلت له والله ما تقفل لين ما اسمع صوتك الحلو الي دايم اسمعه منك ... بس حاولت اراضيه فقال انه مستحي منه و صاير يعاتب نفسه بالي عمله .. وانه غلطان و بين لي اش سبب الشيء الي كان يسويه ماهو الا تعبير عن حبه لي و انه حريص على سعادتي وكان يعتقد انه دا الشيء بيسعدني .. والله بعدها مرررة انقهرت اني قلت له الكلام دا ..
سؤالي .. لما قلت لأختي بالموضوع خاصمتني و قالت لي انتي هبلة تحرميه و ما تعطيه حقه .. دا الشيء طبيعي وما فيه شيء.. بس انا بصراحة خفت يتطور الموضوع بعد كدة .. انتو اش رايكم ؟ دا الشيء صح و لالا ؟ وادا كان صح كيف اخليه يسوي الي يبغاه و يرجع يزورني تاني زي اول مرتين في الشهر؟ لأنه وعدني انه ما رح يزورني الا مرة في الشهر . وانا بصراحة اشتاق له وهو كمان يشتاق لي دايم ..
ثاني شيء ... لما يعبر لي عن مشاعره اتجاهي و عواطفه .. اش الافضل بالنسبة لي .. انا ابادله نفس المشاعر و اقله الشيء الي في قلبي اتجاهه و لا اسكت ؟ وهل ممكن يعتبرها جرأة مني و قلة حياء ؟
يعني بصراحة احيانا افكر .. اني لو ما قلت له الكلام الحلو وما سمعه مني حيسمعه من مين ؟ و ادا ما فرغ عواطفه لي وما شاف في تبادل حيبادل مين ؟ فانا ما ابغى احرمه .. خصوصا ان طبيعة عمله مختلط و في مستشفى يشوف و يسمع .. فانا ما ابغاه يطل في غيري و ان شاء الله ما يطل لأني واثقة في أخلاقه و دينه و لله الحمد ..
الله يسعدكم ابغى راي الاولاد قبل البنات في دا الشيء ويكونوا مجربين لأنهم بيحكموا على البنت ولهم نفس مشاعر زوجي تقريبا ..و بصراحة كتبت دا الكلام وانا مررررررررة مستحية ومكسووفة بس غصب عني ... الله يخليكم ريحوني و قولوا لي من حقي اعطيه مجال يسوي الي يبغاه و لا حلو اني صديتوا و ادا انا غلطانة قولوا لي وساعدوني كيف ابين له اني انا انبسط بوجوده معاي و هو براحته يعمل الي يبغاه ...
محتاجة لرايكم ومشورتكم كثييييييييروالطريقة الامثل في التعامل ... و لا تنسوني من الدعاء ..