بسم الله الرحمن الرحيم
حبيت انقل لكم تجربتي عن خلطات الشعر
صدقوني عندي خلطة سرية نتيجتها
روووووووووووعه وأكثر بعد
مفعولها تلاحظينه من اول استخدام
وبمتناول الجميع يعني غير مكلفة
انا طبعا مثلي مثلكم ما خليت خلطة الا
واستخدمتها من صيدلية
ومراكز اعشاب وغيره وكله كيماويات وغش وما
استفدت غير خسارة فلوس
وتوفر لج روحتج للصالونات واشتراكات حمام
زيت وغيره صدقوني
ما اكتب كلام فاظي وبس انا جربت الخلطة لي
سنة وأكثر ولو ما
استفدت ما راح اخدعكم
مرة يا أخواتي رحت الصالون عشان اقص شعري
وحظي ان الكوافيرة بنت
حلال وتحب تنصح بظمير قلتلها اني أعاني من
جفاف شعري شو اسوي :crying:
ما احسه ناعم وحيوي وابي شي يخليه بملمس
ناعم وطبيعي وغير مقصف
علما بأني ما احب الاستشوار واحب يكون
بطبيعته احلى
وهي اللي قالتلي بسر الخلطة للشعر واللي
تتكون من .........
كوب حناء +
علبة روب +
فنجان زيت زيتون
وهاي الخلطة وبس ما تكلف شي وتخلطينهم مع
بعض مع الماء الدافئ وتتركينها 5 ساعات او ساعتين اقل شي
وتوزعينهم على شعرج من
الفروة الى الأطراف وتتركينة ساعة او ساعتين
بس مو أكثر عشان الهدف علاج مشاكل الشعر مو
تصبغ الحنا ع الشعر وتنشف
انا اول ما رجعت سويتها وانصدمت من النتيجة
والكل تعجب من شعري وما يصدق اني ما أسوي
استشوار حتى التساقط وقف
والتقصف اختفى والسبب يرجع للحناء
ومفعولها العجيب في حل مشاكل الشعر بس لو
استخدمت الحناء بالماء فقط وتركتوها
بالشعر فترة طويله راح تتسبب بحر ق الشعر
حالها حال أي صبغة كيماوية انتبهوا لازم زيت
زيتون وروب وما تتركينها اكثر من
ساعتين والبسي غطاء بلاستيك شفاف او كيس
نايلون صغير
ولنتيجة احسن بعد غسل الشعر ادهنيه بأي
كريم كرستال الشفاف بالماركة المتوفرة عندج
او بقطرات زيت الحية يعطيه لمعه
استمري عليها بالاسبوع مرة بس وانسي شعرك
السابق ومشاكله غير ان لون شعرج مع
الاستمرار بيتغير وبيكون روعه
والأروع ان زوجك ما ارح يشيل ايده من شعرك:victory::victory:
جربوها وخبروني بالنتيجة ولا تنسوني من
دعواتكم