الكلام , صدر
صدر الكلام
هزيت صدر الكـلام إليـن طـاح الكـلام
....................... ما بين صـدر ٍ فضـي و ايـادي ٍ هزّتـه
شلته وقمت أندِهه لا تنام فينـي .. ونـام
....................... كِنـِّه طفـل سبَّـق بْـنومِه قبـْل حزّتـه
عزفت لـه روح شاعـر كلبوهـا سـلام
....................... إن عافهـا عافتِـه وان عزَّهـا عـزّتـه
روح امتلت من غيـاب أحبابهـا بالظـلام
....................... كل مـا بهـا مـن ولـه لغيابهـم دزّتـه
تمشي ما بين الزحـام و لا درت بالزحـام
....................... فيها الدروب اجمعت كـل ضـد ٍ وْ لزّتـه
حنينهـا لـو يفـارق جفنهـا بالـحـرام
....................... لـَ تْشوفها فرَّعت عـن ملحـه و كزّتـه
تشبه لاجاها الحنين إلـْ ساجعات الحمـام
....................... وِرْق ٍ حضنهن غصن تـوِّه علـى فزّتـه
شفني لي اسنين بيـن أحلامهـا و الأنـام
....................... اهيجن البعـد فـي صـوت ٍ فقـد رزّتـه
يا الوقت مـَ اقسى من الحرمان غير الكلام
....................... عن ذكريات إن مـَ عاثت بالصدر .. هزّته
وتحياااااااااااتي