اختي إنووووسه
يعطيكي العافيه
انا معاكي بكل ماقلتي الا العبارة التاليه :
أيضا على الزوجة والزوج، الاستماع لنصيحة الآخرين،
يعني لو يستمعون للآخرين ونصائحهم عز الله راحووو فيهااا
لان مجتمعنا ماشاء الله كلهم ينصحون حتى الأعزب والي ماتزوجت تنصح, يبون الاجر ويبون يساعدون الآخرين
هههههههههه وانا واحد منهم هذاني جالس انصح هههههههههه
ومع ذلك انا ضد الاستماع لنصائح الآخرين .. لان كل انسان له خصوصيته وبالذات في بيته وطبيعته
انا مع تحكيم الضمير , يعني اذا انت مبسوط ومستانس ومتقبل الطرف الآخر ليه تسمع نصائح الغير
واهم شي بين الازواج هو الحب والاحترام المتبادل, وليست العملية حرب او استعراض عضلات, ومين الاقوى ومين الاضعف
ودائماً نسمع النصائح تبدأ بهذه الكلمات :
لايلعب عليكي زوجكي, ولاتسوين زيي, ولاتخلينه على كيفه, والباقي لايخفى على كل زوجه بس عشان ما اطول عليكم اكيد انتم خابرينها.
انا متأكد مافيه زوجه ماسمعت هذي العبارات سواء قبل الزواج او اثناء الزواج
واكثر شي استغربه بنصائح النساء للنساء لما تقولها لاتسوين زيي هههههههههههه
واحيانا تقولها باللفظ هذا : لاتسوين زيي ياخبله او يامجنونه
مع انها متزوجه لها كم سنه وعندها اولاد وبنات وحياتها ماشيه
مو ضروري تكون ماشيه بالبنزين حتى لو كانت بالديزل بس انها ماشيه والحمدلله
وتنصح اختها المسلمه وتقولها لاتسوين زيي ياخبله , يعني كأنها تقولها انا خبله ولا افهم بالحياة الزوجيه
فمن باب اولى لاتستمع لها نهائياً
وهذي النصيحه باللفظ هذا كأنها تنصحها بشي هي ماجربته ولاتعرفه.
لذلك المفروض تسمع الي تقولها سوي زيي انا عايشه حياة سعيده
لاني سويت كذا وكذا .. مع اني انصح الناصحات انها ماتفصل عن حياتها
يمكن هذي الي انتي تنصحينها تنقل كلامي لغيرها ويخرب بيتكي في النهايه
هذا بالنسبه للزوجه, اما بالنسبه للزوج فحدث ولاحررررررررررررررررررررررررررج
اكثر نصيحه واشين نصيحه عندي : لاتخليها تركبكـ ههههههههههههههه
ياخوي مالكـ خص تركبني ولا اركبها
وعلى قولة المصريين انا راضي وابوها راضي مالك انت ومالنا يا قاضي
مع انه المفروض يكون رجال وعنده عقل حكيم ورزين يفكر فيه
وللاسف هناك من يريد ان يطبق كلام امه او اخته وذلك من باب البر بالوالدين والاهل ,,,,,, عجيب والله
يعني ماعاد باقي من البر في الوالدين الا ان الزوج يهدم حياته بيده ويظلم بنت الناس معاهـ
واحيانا يكون فيه اطفال بينهم ويظلمهم ويشتتهم ويبهذلهم
(( لاطاعة لمخلوق في معصية الخالق ))
((خيركم خيركم لاهله وانا خيركم لاهلي )) او كما قال عليه صلوات ربي وسلامه
ولما يكبروا اولاده يقول بكل بجاحه اولادي عاقين طالعين على خوالهم ,,, بعد بعد هههههههههههههههه
او يقول امهم ماربتهم كويس ,,, يعني مرررررره قايم بواجباته على اكمل وجه
(( من زرع حصد ))
على العموم وحتى لو كان الازواج متفاهمين ودارسين ومتعلمين ويحبون بعض ويحترمون بعض
ولايخلون احد يدخل بينهم الا ان مشاكل الدنيا ماتنتهي ..
خصوصاً بين الازواج وهذي المشاكل يسمونها بهارات الحياة
وبدونها الحياة ح تكوووون بدون ملح وليس لها طعم او لوووون
اما بالنسبة للاشهر الاولى - هذي هي الاساس.. والافضل يكون كل واحد على طبيعته حتى لايأتي يوم ويتغير فجاءه
فيعتقد الطرف الآخر انه هو المتسبب بذلك او ان شيئاً خطير قد حدث.
او يدخل الشكـ بينهم سواء الشك بالخيانه او الشك ان احد قاله شي او او او
طبعاً لابد من المجاملات في الايام الاولى وحتى النفسية تساعد في هذا الوقت
لان الحياة جديده وكل شي جديد يفرح
زي اللعبه الجديده للاطفال والبيت الجديد والسيارة الجديده والوظيفه الجديده ,,,,, الخ
لكن
ابو طبيع مايخلي طبعه - هذا مثل شعبي قديم ولكنه صحيح 100%
ولو كل طرف تفهم هذي الامور, لكانت الحياة اسهل والشد اقل والزعل والغضب اهون بكثير ممايحدث بين المعاريس
مع العلم بأن الشهر الاول هذا حلم بكل ماتعنية الكلمة ولا يمكن ان يتكرر
وانا انصح الازواج وخصوصاً الزوج انصحهم يبدعون بالشهر هذا
لان البدايات دائماً هي احلا الذكرياااات وهي التي تبقى بالذاكره للابد
ولو تجلس مع اي عجوز او شايب تحصله يتذكر هالايام هذي
اما لو تسأله عن باقي حياته ماراح يتذكرها حتى لو تذكره فيها
بيقولك والله ما اذكرها ..
والزوجه تتذكر هذا الشهر بكل جوارحها وتحب تتذكر الايام هذي بجنووووووووووون
حتى لو كانت الايام الي بعدها افضل
الا ان الشهر الاول وليلة الدخله بالذات تعتبر ذكرا خالدهـ
والسنة الاولى هي اسعد واجمل واحلا سنه بين الازواج مع انها ليست هي المقياس الحقيقي -
وانصح الجميع بنسيان كل الشوائب
والاشكالات التي تحدث في السنة الاولى.
لان هناك من اهل الزوج او الزوجه من يصر ان يستمر بحياة ابنه او بنته فيتدخل بالنصح تارة وبالنقد تارة اخرى,
والابن او البنت متعودين ياخذو قراراتهم بمشاركة اهاليهم او من تعودو عليهم.
وبالتالي تبدأ المشاكل والغيره : الزوجه تتسائل ليه يسمع كلام امه ولايسمع كلامي حتى لو كان على شي تافه, والزوج كذلك.
كما ان المولود الاول عند قدومه ينتاب الزوجين شعور لايوصف من البهجه والفرح والسرور
وكذلك الشعور بالخوف والقلق من المسؤوليه والتربية
مع ان الحكمة تقول : ان قدوم الابناء يربي الآباء <<<< ليييه لانهم يخشون ان ابنهم يرى طبع سيء لديهم ويقلدوهم لان الطفل او الطفله
يكرر مايشاهد وما يرى, فبالتالي يبدأ الاباء بتغيير سلوكهم للافضل وخصوصاً امام الابناء . شي عجيب سبحان الخالق
والحياة بشكل عام حتى تسير بأمان وراحه لابد من التنازلات خصوصاً الافكار والعادات والتقاليد القديمة والمعقده والمتعصبه
دستورنا شرع الله وسنة نبينا محمد صلى الله عليه وسلم ,
الظاهر لو اتكلم لين بكرا ماخلصت وربي كنت بكتب يعطيكي العافيه واطلع
بليزززز اختي إنوووسه سامحيني على الاطاله هالمره ولا عاد اعودهاا
وشاكر لكي ولرحابت صدركي
واهنيكي على حسن اختياراتكي للمواضيع الهادفه
وربي كلها تدنن
وجزاكي الله خير ,,,