السلام عليكم ورحمة الله وبركاته
عندي مشكلة وابي الحل طلب راي الرجال لاني ابي اشوف الحل من ووجهة رايهم ابي افهم تفكيرهم يمكن اقدر افهم زوجي ولا اظلمه وانهي حياتي معه واتطلق
انا مطلقة وعندي ولد عمره 9 سنوات خطبني رجل وكان لي شرط ان ابني يعيش معي وهو ليس له شرط غير ان الزواج يكون بالسر شهرين وثم يعلن عشان لاتكون هناك مشاكل بسبب زوجته وابناءه
بس المشكله ان من تزوجته وهو مجرد مايخرج من الباب لا اعرف عنه شيئ يغلق الجوال
الحمدلله معاملته زينه معي وحنون علي بس لنا اللحين متزوجين 4شهور وهو كل يوم عذر ويتهرب من انه يعلن زواجنا
وصرنا دايم نتخاصم على هذا الموضوع وحتى الحمل قال نأجله سنه
واللحين له شهرين رافض نجيب عيال نهائي ويحذرني اني ماألتزم بالموانع
بحجة انه مايبي عيال عنده من زوجته الاولى تسعه وانا عندي ولد هو تزوج عشان يرتاح ويعيش حياته بوحده تونسه ويونسها مايبي عيال ومسؤليه
انا مو راضيه احس كأني شيئ مو حلو بحياته احس كأني عشيقه يجيها بموعد وساعتين نوم وحركات ويروح واحيانا يجلس باليومين والثلاث انا تعبت مو قادره اتحمل انا اقضي للبيت من فلوسي اللي بالبنك (عندي 50 الف ورث )
هو مره بالشهريقضي والباقي يسحب يحاول يتناسى
وفي الاجازه لوحدي انا ولدي اطلع امشيه اروح لجاراتي بالعمارة هو مايجيني ويقفل الجوال واذا جاء يحلف انه انشغل احاول اداري بس خلاص تعبت انا صغيره باقي ابي اطلع ابي احس بشريك حياتي ابي احس اني متزوجه مثل غيري وكل يوم مخاصماتنا تزيد على موضوع الاعلان والعيال ...وش الحل هو يقول اصبري وانا اخاف اصبر وفي النهايه القي حال مطلقه واخاف اتطلق واخسره كإنسان يحن علي وهو صادق ظروفه ماتسمح له يعلن انصحوني شلون اتعامل معه؟
والطلاق ماسهل علي تعرفون كلام الناس واهلي ماراح يرحموني عندهم البنت المطلقه ماتخرج ما وما وما ....