لا اعلم من اين ابدا ولكن ارجو ابداء رايكم بما فعلته هل هو صحيح ام لا وماذا افعل ..
زوجي كان يشتغل وبعدها خله شغله وما كان اصلا ملتزم فيه كل يوم يقول تعبان او مو قادر يروح او او او ..
وبعدها خله الشغل ..
بعدها قمنه ندرس في معهد والمعهد يعطونه فلوس كان في البداية ملتزم بالمعهد ووعدني انه راح يلتزم بشغله عقب المعهد الا هو شغله بصير بعد شهرين ..
هالايام الاخيرة ماقام يرح ضل مدة 10 ايام قلت له بفصلونك من المعهد بس ماعبرني اخر مرة في اليوم العاشر من الغياب قلت له قوم روح علشاني وماني حابة اروح بدونك والمعهد بدونك ما يسوى شي وما رضى يقوم من نومه ..
قمت ورحت بيتنه طبعلا بعدها اتصل وما رديت عليه وقام يتصل واني ماارد عليه ابيه يجي هني البيت واتكلم معاه ويعطيني كلمة ااذا بيتزم بالمعهد وشغله برجع ااذا مابيلتزم اقعد في بيتنه والبيت الي ماعجز عني واني صغيرة ما بيعجز عني واني كبيرة وللحين ماادري شسوي وشالتصرف الي لازم اسويه
طرش لي مسج ان اروح اداوم بالمعهد بس اني ماافكر اروح اداوم ولا ارد على مسجه
ماادري شسوي اضل على حالي ماارد عليه ولا ارد ولا انتظره يجي
علما اني طلعت علشان ياخذه درس ويحس بقيمتي ..