السلام عليكم ورحمة الله
ببدا بمشكلتي بدون مقدمات....................................... ...........................
انا عمري 23 وسمراء وعاديه وفي خوا اللي هو الهواء بالرحم ومليانه وفي ترهل بكل مكان بيديني وفخوذي رحت اسوي عمليه شد رفضو اهلي طبعا السمنه لاني كنت اعاااني من سمنه مفرطه قبل بس اللحين تحسنت شوي
المهم انخطبت من واحد مره حلو وابيض وسيم لاخر كلمه كل من شافه قال وش جاب لجاب
المهم انا اول ماخطب عييت واصريت اني ماخذه بس امي وخالاتي اعتبرو رفضي له مو ممقنع بحجة مستوى الجمال بينا واقنعووووني اخذه << وانا كنت غبيه وافقت فكرت اني بستانس وانه بيشوفني حلوه.. طبعا الشوفه الشرعيه بحكم عاداتنا ممنوع... استخرت كثير بالبدايه مو مرتاحه بس بعدين ارتخت واثرو فيني خالاتي << طبعا انا بدون عقل
المهم مللكنا وانا خايفه من ردة فعله طبعا مكياج وحركات .....اول ماطلع من الكوشه قالتله اخته ها شرايك قال ماعليها يعني ماشي حالها طبعا خالتي سمعت كلامهم ... والله يابنات من يوم ماسمعته وانا ابكي وهم بهم صرت مكتئبه.. كلمت صديقاتي قالو ماعليك يمكن يحي روحك .. وفعلا تكلمنا بالجوال بقولي احبك ومن الكلام بس افعاله غير عمره ماطلب يقابلني احيانا نكون بنفس المكان ويطلع بدون مايسلم علي.. اساله ليه يسكت يقول المره الجايه..
لنا سنه على هالحال ... مايقولي شيء بس ماحسه راضي خواته بس يتريقون علي ((ياسموره اخوي ترى مايحب السمار))قسم بالله بكيت بكي عمري ماحسيت فيه
اللحين زواجي ثاني العيد وانا افكر اطلب الطلاق منه بان هذا بيضحك خواته علي بس مقدر اتحطم منه تعبت والله العظيم
تكفون الله يسعد اللي يردون علي وجعلهم لسعاده دنيا واخره ويفرج كربه من كربهم اللي يدلني لكلام مقنع بس لاترفعون معنوياتي تكفون ولاتجرحون ابي حل عقلاني لو كنتم خواتي هل تايدون الانفصال
علما باني اعالج كل شيء فيني لاكن لاتطور
عسى ربي يحفظكم:138: