مرثيه جدتي .... للشاعر .عزام الخريف
هي منقوله قريتهااا في منتدى ثاني ودمعة عيني عليهااا تذكرت جدتي حبيت انقلهاا لكم ..
يقول .....
ودعتك الله بس ما نيب ناسيك
ومالي على رد القضا مقدريه
عسى السحاب يرش قبرك ويسقيك
يمطر عليه المزن كل ضحويه
يمه ترى ما نيب والله مخليك
بدعي لك الله كل صبح وعشيه
عسى الولي من صالي النار ينجيك
عساه يدمح زلتك والخطيه
حطوك في قبرك وعيني تراعيك
حطوك يمه عقب عيد الضحيه
من حر ما اونس قمت اصوت واناديك
لكن يرد القبر يمه عليه
يقول ياللي ترفع الصوت وشفيك
امك ياولد الناس ماهيب حيه
لاتحتري يرجع لك اليوم غاليك
اليوم راحت عند رب البريه
ليت الثرى فوقي قبل ما يغطيك
مثلك ياليته ما تجيها المنيه
أو ليتني في وسط قبرك مخاويك
ياللي عيوني من فراقك شقيه
في جنة الفردوس ربي يجازيك
الواحد المعبود جزل العطيه
تحياتي
انا ورد