السلام عليكم
اتمنى النصيحه من الجميع
بدخل في الموضوع على طول
وهو المشاكل بيني وبين زوجي كل يوم تزيد
من يوم ماولدت وزوجي يدور المشاكل(1) واولها مافي روحه عند اهلك
انا كل خميس اروح زياره لاهلي انا واخواتي وهو له كم اسبوع يقول مافي روحه واذا زعل من شي قال محرومه من الروحه عند اهلك حتى اليوم ماخلاني اروح وهو خرج معزوم على العشا وانا في البيت .
(2) طلبات البيت مايجيبها حتى ولده اذا قلت لازم نوديه الدكتور عنده كحه يقول لاتعتمدي عليه انا موفاضي خارج مع صاحبي خلي السواق والسواق موحقي حق اختي وكل يوم يخرج مع صاحبه
(3) الزباله وانتوا بكرامه مايرميها احطها عند الباب عشان وهو نازل يرميها ينزل ويقول لو اجي والقى الزباله هنا ياويلك اقله مااقدر انزل واخلي الولد في البيت لوحده يقول مو شغلي
(4) اتصل عليه اقله جيب خبز يطنش واليوم الثاني يقول لي انتي انزلي السوبر وجيبي الخبز وهو جالس على النت يكتب مواضيع في المنتديات او يدور عروسه في مواقع الزواج ويعطيهم رقم الجوال واذا وحده اتصلت عليه ينزل يكلمها او يروح الجلس واذا قلت ليش تسوي كذا يقول اتسلى
انا تعبت من هذا الوضع وافكر اروح عند اهلي واخليه لاتقولوا ممكن انتي اهملتي نفسك بعد الولاده لا كل يوم متكشخه ووزني نزل اكثر من قبل الحمل...
هو صح عنده مشروع جالس يسويه وشاغله لاكن عنده وقت فاضي فيه يقضيه مع اصحابه او على النت(محتاجه نصيحتكم) اسفه طولت عليكم لاكن ماعندي غيركم استشيره:111::111: