هـذا أنا .. يوم أخلـف الوقت ظني
الحزن حزني .. والسوايا سواياك
بكيت .. وابكيت العيون .. وبكنـّي
تعال .. شفني كل ماحان ذكراك
كـم واحدٍ جاني بعدك وسألني
شخبار من حبيت وأقفى وخلاك
واصد .. والحزن الخفي ممتحني
وإن قلت منهو ؟ قيل ماهوب يخفاك
قيل :العوض قلت العوض ماشحنـّي
والله.. لا هذا.. ولا ذا.. ولا ذاك..
يـامـا بـعضـهم مرّني مافتنـّي
يا جعل ماهم بالعوض في محيّآك
الله لا يجـبـرعــزآ .. مــن عذلني
ماجاه ماجاني .. ولا جاه ماجاك
واللي عذل ويقول لوهـ ولو إني
جعل يعشـق لـه واحدٍ كنه إياك
مـا فيـه شيٍ فــي حيـاتـي غبـنـّي
ألا نهار أقفيت وأنا اسمع إبكاك
الله من جــرحٍ قــديــمٍ مــكــنـّي
أمداك نزفه لكن إدواه مَمداك
عليَ كـم جـار الـزمـان وطـعـنـّي
أسمع صدى صوت المعاليق تنخاك
وين أنت؟ ياللي كـل مـاغبـت كنـي
واقـف على بـاب الأمـل واتحـراك
لـيتك تـعـرف تـخـون وأقـول خـنـّي
على الأقل ألقى سبب واتناساك
وليت الزمن بمحبتك مـا خذلني
وليت الهجرمن طيب خاطرك ورضاك
لو إن قربك والوصل بـالتمـنـّي
ما غبت عن عيني كثر ماتمنـّاك
خـايف يـطول البـعـد وتـسج مـني
ويآخذ مكانك شخص ماهوب يسواك
وش عاد اسوّي يومك تسجّ عنـّي
لا أنا اتبع المقفي .. ولا أحب فرقاك
،،، محمد بن فطيس ،،،
,.,.,.,.,
انتحار
%