هذه قصيدة من اروووووع القصايد التي سمعتها في التوجد والشيله أضافة لها روعه على روعتها وهي قصيدة التوجد للشاعر / خالد الدوسري
آمل من يدخل لا يبخل علينا من الردود لأنه بصراحه طلعت عيوني علشان أحمل الشيلة على اليوتيوب خاصة لمنتدانا الغااالي
عموما آترككم مع القصيدة والشيلة
http://www.youtube.com/watch?v=KL6q78tDZu4
كل ما فاضت عيوني باشت الأضلاع غنـا
الموارد في الضلوع وكل ضلع فـيه ونـه
والتمني ما يحقق هقوت القلـب ان تمنـا
بس قلبي ما يداني تبعـد الهقـوات منـه
وا وجودي وجد من جلي عن دياره مجنـا
تو عمره عشر واربع والليالي مـا تحنـه
ما وراه إلا عجوزٍ واختـه وعـود مسنـا
بين فقر وبين دين وبين ضيم وبيـن منـه
ما ذبحهم غير دمع من الغبينه مـا يكنـا
ويل من سود الليالـي بالمصايـب يبتلنـه
راح مثل الذيب وهبلته حياة الذيـب ظنـا
وآمن والموت يومي بين مخلابـه وسنـه
راح ينقل دم قلبه وان ضواه الليـل ونـا
الذيابـه مروحاتـه والسيـوف يدورونـه
ليا ذكر دم القرايب عانـق البيـدا وثنـا
وان تذكر ضحكة امه زاع قلبه من مغنـه
ما يلوعه في حشاه إلا ليا شاف البرق سنا
غاب عشر سنين ما به من يرد العلم عنه
انحداه الخوف منا هزت الأشـواق منـا
يوم طال الوقت عود للديـار اللـي ربنـه
قـال مـا دام المذلـه والبـلاوي يبتلنـا
والله ان الموت في الأوطان بين الربع جنه
يوم وقف في المنازل ما لقى بيـت مبنـا
غير بيـت للهبايـب والـذواري يلعبنـه
راح يمه كنه اللي ضاربـه رمـح مطنـا
واعذابه ما درى ان اسهوم بقعـا يحترنـه
يوم قرب سمع له صوت من العلـه يحنـا
حصل امه عندها ضيف يقول الموت سنـة
قال يمه قالت عيوني مـن الدمـع انعمنـا
قال ابويه قالت اطوال النصايب قد خذنـه
قال واختي قالت اقفى القوم باختك مع ظعنا
قال ربعي قالت اسنيـن المجاعـة فرقنـه
قال جيتك قالت ان الموت ماظن يتونـا
واستلمها نازع الارواح روحـن مرجهنـه
ثم صاح من التفرق صيحة اللي فيه جنـا
دق صدره وانطوى من حر ما به طيشنه
كل هذا حال قلـب مـن خلقـه الله معنـا
الهمـوم يوكلنـه والـروابـع ياكلـنـه
ليه ادور للسبايب والسبـب فينـا ومنـا
النفوس وما تسوي واليدين ومـا حصدنـه
لا تسودنا الخطايا نلحـق الشرهـه زمنـا
ما جزانـا إلا عملنـا والحقائق يثبتنـه
قلت اجرب وش ورانا بنتسلا ونتهنا
الليالي ماتخالف من طلب شي عطنه
جاهل في الغيب وثر اللي يسلينا طعنا
مادريت إلا بقلبي والمحاني يردعنه
قلت وين تروح خلك في ضلوعك مرجهنا
قال مدري مير كن الحب تل العرق كنه
قلت مخطي قال ليه اليا ذكرناه استحلنا
وانتبهت وطاح فكري للطواري وخلفنه
رحت ابسئل بنت حوا ليت حنا ماسئلنا
كان والله مستريح ومخلفن قلبي وظنه
قلت هز العود صفق النود قال النود حنا
ما ذكربه عودن الا والهبايب يطرقنه
قلت في دارك غريب وقال حول في وطنا
لك محلن في قصور له سيوف يحتمنه
قلت اهلنا قال والله مانعيب اسلوم اهلنا
والعفيف من الهوا مابه علوم يحرمنه
وبتدينا قصة السبع العجاف ومللنا
كل عام يمر يعطينا من اللوعات فنه
وافترقنا مالقينا من يرد العلم عنا
غير حب للهبايب والذواري لاوحنه
تحياااتي