اللهم صل على محمد وآل محمد وعجل فرجهم يـآكريم
طبقي اليوم هو باستا بيتزا ,, مقادير سهلة ودائما متوفرة
وطريقة أسهل
.
المقادير :
معكرونه ( اي نوع معكرونة أو اسبقتي ) .
خضار بيتزا ( فطر ، فليفلة ، زيتون ، طماط .. على حسب الرغبة تحطي الي تبغيه ) .
صلصة بيتزا او معكرونه جاهزه ( صلصة المعكرونة العادية للمعكرونة الحمراء ,, بس ما تكون كمية كبيرة لأن بس للمسح ) .
قشطه واحدة
ملعقتين مايونيز
ملعقتين جبن كاس
جبن موزريلا للتغطية
الطريقة :
1- تسلقي المعكرونة وتصفيها عن الماي .
2- نخلط علبة القشطة مع الملعقتين مايونيز و ملعقتين قشطة .
3- نحط المعكرونة في صينية ( إذا كانت زجاج فتكون بايركس ) وندهن سطح المعكرونة بصلصة المعكرونة أو البيتزا ( صلصة البيتزا تباع في الأسوق , شكلها زي علبة المربى ) .
4- نحط فوق المعكرونة الخضار بعد ما نقطعهم مكعبات صغيرة
أو الشكل الي تحبية بس ما تكون القطع سميكة ( عريضة ) , ونتبلهم بشوية فلفل أسود وكمون وليمون ( وإذا تحبي : فلفل حار , ثوم , كزبرة ... الخ " حسب الرغبة " ) .
5- ننثر جبن الموزريلا المبشرة بحيث تغطي كل الصينية .
6- ندخلها في الفرن مدة 20 دقيقة تقريبا أو اقل وبعدين افتحوا الفرن من فوق عشان تتحمر الجبنة ...
* ملاحظات :
- في حال ما حطيتي مايونيز فبتصير جافة مررة
- صلصة المعكرونة عبارة عن :
المقادير :
بصلة صغيرة مفرومة فرما ناعما جدا , شوي صلصل تقريبا ربع العلبة أو أقل , حبة طماطم مفرومة بالخلاط , وشوي بهارات ..
الطريقة :
تحمصي البصل لين ما يصير ذهبي
تضيفي عليه الصلصل والطماطم المفرومة والبهارات وتقلبيهم تقليبا جيدا لين ما تتطلع ريحة خنينة ..
طبعا ممكن تستغني عن الصلصل بأضافة كاتشب أو تحطي شوي من الكاتشب وشوي من الصلصل ..
- في النهاية الطبخة عبارة عن معكرونة البيتزا بس مغيرين الاسم ما ادري ليش ..
- اي سؤال او استفسار فأني جاهزة
الطبخة مجربة و مضبوطة ..