بسم الله الرحمن الرحيم
هذه القصيدة أهديها كزفة لمن سيقبلون على الزواج في الآيام القادمة وهي هدية ليست بقدر المقام ولكن
الجود من الموجود .
ثانياً الأسماء مستعاره وهي وهمية للعرسان وللقاعة ويمكن للجميع تغيرها .
أقبلت شمس الصبايا والحلا والنور بادي
والفرح كاسي ثغرها من مداها لامداها
أقبلت والنور فيها من بياض الشمس سادي
وقاعة الفردوس تزهر بطلتك يا حلاها
بنت عز وسوسنية حور ويازين المبادي
والله إن الزين كله ما يوقف مع حلاها
هذي ورده مدري جوري مدري زهره مدري كادي
الخزامى غار منها .. والنفل من ريح فاها
والعفافة . والطهارة . والحيا شي أعتيادي
واسم ابوها زادها بالفخر والعز أحتواها
اشهد إن اللي يدور بنت في حظر وبوادي
ياكذا يختار ولا ...... لا يفتش في عماها
فز يا صالح وغن وطير من فرحتك غادي
وافتخر في نوف .. واشعل الليل وسناها
قول أحبك قول أريدك قول وقول الوضع عادي
إنت من قدك يا صالح وإنت فارس في حماها
أقلب الدنيا غناوي .. ما نبي هالليل هادي
ما يعسف المهرة الا شيخ يستاهل غلاها
وانت قرم وسيرتك في كل فج وكل وادي
وانت واحد ما حصل في الأرض مثلك يا غناها
الكرم والطيب ورثك والفخر فيك اعتيادي
جل من وفق غلاكم وانورت نجد وسماها
تحيات اخوكم
ورد ~ وبارود