السلام عليكم ورحمة الله وبركاته
اتمنى تلاقون لي حل مع مشكلتي اللي لها فتره طويله
انا أمرأه متزوجه من عدة سنين
لي عدد من الاطفال
زوجي متأكده انه يحبني بس ما اعرف اذا كان حبه لي تعود او غيره
مشكلتي معاه هي الضرب والتجريح باللسان
لسانه سم اذا زعل يطلع كلام يجرح ويذبح ولو فتحت فمي بكلمه او رد على طول يضرب
طبعا هذا اسلوبه حتى مع اطفالي
ينصح الناس ويتكلم على اخوانه وحرام عليكم وزوجاتكم واطفالكم وكيت وكيت بس احنا لا
صحيح انه يرجع ندمان ويعتذر بس في كل مره يعاهدني تكون الاخيره بس يرجع يعيدها ثاني
تخيلوا في مره جاني ارتجاج في راسي بسببه من قوة الضرب على الارض
وفي مره قدام شغالة اهله ومره ثانيه قدام اختي ومره قدام اخوانه
ومره قدام حريمهم عاد اخر مرهرحت لاهلي وخليت عياله عنده رجع متندم وعاهدني قدام ابوي وابوه ما يعيدها وطلبت رضاوه خمسة الاف وجابها
امس العصر كنا معزومين وصارت سالفه تافهه لأنه يتهمني بالكذب قدام اخوه اني متأخره وهو السبب وربي عصبت قلت لاعاد تكذب كل شي تحطه براسي رماني بالشبشب وماجات فيني اشرت له بحركه انك ماعاد تهمني رجع علي بالكف على وجهي وربي رحت العزومه وصدري ضايق كان واضح علي اني متضايقه بس انا قلت للجميع اني مريضه
اليوم ارسلت له رساله مفادها انه يشوف حياته ويتزوج بعيد عني وعن عيالي ابي احس بالامان والله العظيم تعبت كل يوم اقرا الاذكار عشان افتك منه ومن مشاكله هل تتخيلون القلق النفسي اللي انا فيه طلبت منه يطلع من حياتي لأني مو قادره استمر معاه صحيح اني باقي صغيره بس ما اقدر اطول بهالمعاناه والتعب النفسي
اختكم المجروحه