السلام عليكم ورحمة الله وبركاته
كل عام وانتم بخير عشان مايقول احد اني ماعايدته وتقبل الله مني ومنكم
عندي سؤال محيرني وابي اناقشه معكم
في بعض الأحيان تعجب بمؤذن أو امام مسجد او مدرس أخلاقه عالية جداً وتتمنى انك واحد من عياله لكن لما تدخل وسط بيته تحمد الله انك كذا اعطيكم امثله
مره من المرات واحد من الاشخاص مشهور ويشار له بالبنان لكن عياله عكس ذلك تماما وصلوا لمواصيل مايعلمه إلا الله مع ان الشخص مؤذن ((أين الخطأ))
واحد الاشخاص نفس الشي لكن عياله يالله بالله يقومهم للصلاة ماادري وين الخطا في هؤلاء هل نسوا عيالهم ودخلوا بقاعدة (باب النجار مخلخل )
مع اني سألت مدرس دين عندنا وقال لي الأمر عادي يخرج الحي من الميت ويخرج الميت من الحي ((إذا حرص الشخص وما لقى نتيجه))
اسئلتي وين الخطأ عند النماذج اللي ذكرتهم ؟
السؤال الثاني كيف أعلق الزوجة أو الزوج أولاً بالله ثم الأبناء لأن واجدين من الناس يصلون إذا كان ابوهم فيه وان سافر ماتشوف ولا واحد مع عدم إغفال ابو ابراهيم وابن نوح لأنه هذا حرص على ابوه وهذا على ولده لكن قدر الله وماشاء فعل؟
هذا اللي على بالي وان جاء شي جديد كتبته
السلام عليكم ورحمة الله