ليت الشوارع تجمع أثنين صدفة.....
للجميل بدر بن عبد المحسن قصائدة قمة الروعة تتمتع بأحساس صادق ومرهف حبيت أنقله لكم ....
يطـيـح نـصـف اللـيـل واهــز كتـفـه
يفز شمـع ،وباقـي الليـل مطفـي
واحاكي الجـدران عـن حلـم غرفـه
ماتشبـه الجـدارن ويطـول وصـفـي
وتملنـي الجـدارن واظهـر لشـرفـه
تحت السماء واسكر الباب خلفـي
ليت الشـوارع تجمـع اثنيـن صدفـه
لا صـار شـبـاك المواعـيـد مجـفـي
وليت الروابي تشرب دمـوع وطفـه
ويصـب لمـع بروقهـا وسـط طرفـي
ياطـاري الغـدران ، والعمـررشـفـه
مـع قلّهـا ، ياليتـهـا الـيـوم تصـفـي
الصبـر واجــد مـيـر الأقــدارصلـفـه
والارض واجـد لكـن الـعـزم منـفـي
الــي اعـرفــه راح مـانـيـب اعـرفــه
ولااظن يذكرني اليا اقلبـت مقفـي
ماهـو حبيبـي مـورد القلـب حتفـه
وماهو حبيبي يفرح بوقـت ضعفـي
تهـب ريـح وتسكـن العـظـم رجـفـه
وتغيب ريح وتسكـن اغصـان نزفـي
مُّــر ثـمـر هاللـيـل ، وامــرقـطـفـه
ذقتـه قبـل يلمـس لسانـي بكفـي
هــذا وتّـــو الـلـيـل مـــاراح نـصـفـه
ياليل بعض اللي مضى منك يكفي