محاوره رومنسيه بين حبيب وحبيبته
هي: يعني نويت السفر بتوادع احبابك
يعني بدت رحلة الغربة بوجداني
يعني بتم انتظر واضيع بغيابك
يعني من اليوم بفقد نصي الثاني
هو: حبيبتي والله اني حاسب حسابك
ودموع عينك تشب النار بشجاني
غصب على هالسفر مجبور بسبابك
قولي لكل العواذل راح من شاني
هي: حبيب قلبي احبك موت واحيابك
وابغاك في كل حالاتك وتبغاني
مبغي فلوس وذهب ابغاك بثيابك
دامك معي اتحدى الكون بإيماني
هو: عهد علي لزرع اجمل ورد بترابك
واني لأرويه من دم شرياني
تستاهلين العمر والعمر يزهابك
خلفت انا لسعدك كان الله احياني
هي: قول وفعل يابعد عمري وانا ادرابك
واعرف ظروفك ولكن قلبي اذاني
ارجوك تعذر غلاي اليا تمادى بك
حاولت اخفي دموعي بس ما امداني
هو: من شان الغلا ومن شان اهدابك
ومن شان عينك بسافر بك لعنواني
بس اطلبي لي وانا واقف على بابك
وقولي احبك ويكفي منك ماجاني
هي: مليون احبك واحبك حيل واشقابك
رح في طريقك مثل ماكنت تلقاني
الله يردك لقلبي واتهنابك
وماعاد يقدر على توديعك لساني