السلام عليكم ورحمة الله وبركاته
قصيده متواضعه اتمنى ان تنول رضاكم
الواحد فرد ما يقبل التقسيم
بس انه انقسم وبدونك اتعدد
اتقسم بدونك وانجمع بس و ياك
لان كلك وكلي بروح نتجسد
عشقتك ذره ذره وصرت اغار عليك
واذا محد يـ بوسك اذبح الـ محد
كنت خايف اجيك اتشرد من الناس
والحين اصبحت من روحي اتشرد
عيونك بحيره بكل هدوء الليل
و دموعك نوارس لو مشت ع الخد
وفراشة نور أذنك والزلف خطاف
مره يحط عليها ومره يتبعد
والحاجب سراط وطاحت الجنسين
عليه بس الملاك الي صدق يصعد
وبـ نحت الخشم يحتار الف نحات
ولو هيك النحت محد مسك مبرد
وجبينك يد موسى المعجزه البيضاء
مو حقه الكفر من شافها تعبد
وشعرك ليله ضلمه توحشت ع الريح
والي يهب عليها ينكسي بأسود
وطولك طول نخله انصاغت من النور
يقسمها البرق وبنصها يتجمد
ومثل زمزم رقبتك نص ذهب نص ماس
وعين الماء تدري ع الصدر تركد
يا الكتفك مناره بأي شرع اي دين
اموت من العطش وقبالك اتشهد
...........................
خطواتك حضاره وخصرك التاريخ
من تمشي العرب فوق العجم تصعد
يا اليدك ثلج لا تطلع بتموز
لو ماع الثلج كل الخلق تبرد
اذا لا مو ثلج قل لي البياض منين
معقوله العظم فوق الجلد يصعد
يالساقك قطن لا تفتح الأبواب
خايف ع القطن بالشوف يتحسد
وقسم كل ماتجي يجبرني حسن الفيك
اوصفك لكن من اوصافك اتردد
لذلك ما وصفتك واعتذر ( دلووو )
وصفت الخيــــال الـ منك تولــــد
ارجو ان تنول اعجابكم