بسم الله الرحمن الرحيم
السلام عليكم ورحمة الله وبركاته
العنوان واضح /الكل يبدي رأيه مع ذكر الاسباب
انا ببدأ-----مؤيده بقوووووه
الى متى نظل تحت رحمه الرجل؟
كم وحده تمنت مشوار وزوجها كسحها؟
كم وحده وداها زوجها زياره عند ناس ولطعها (نساها)او تأخر عليها واحرجها مع الناس؟
كم وحده ضاق خلقها من قعده البيت وتمنت فره بالسياره وتشربلها كوب كبتشينو او تاخذلها ايسكريم وطلبت زوجها ورفض وطلع مع اخوياه؟
كم وحده احتاجت المستشفى وماعندها احد يوديها ؟وماعندها رصيد تدق على زوجها يوديها.
كم وحده اشتهت تمر كم محل تشتري شي جديد وزوجها رفض وتعبت وهي تترجاه عشان يوديها مافيه فايده بحجه انه موفايق وان مشوارها ماله داعي؟
كم وحده زوجها دائم التذمر من مشاويرها ورافض يقوم بمسؤليته في تأمين متطلبات البيت والعيال او يعل قلبها لين يوفرلهم طلباتهم بحجه انه نسى،ورافض يجيب سواق؟
كم وحده احتاجت طلبات ضروريه لها او للبيت او طلبات للمدرسه .والاخ يتفرج على المباره مو فاضي يجيب وعلى بال ماتنتهي المباره تكون المحلات سكرت.
وكم وكم وكم؟؟؟؟؟
انا مؤيد بشروط منها
-السواقه تكون للمتزوجات او الارامل دون المراهقات.
-يحدد الوقت من الصباح الى الساعه 10م.
-اللي ماتحب تسوق ممكن تجيبلها سواقه يعني حرمه تسوق فيها وبكذا راح تتوفر وظائف نسائيه جديده.
وراح تصير فيه ورش نسائيه وكل مستلزمات السيارات من صيانه وزينه حريم ×حريم وبكذا بتكثر الوظايف
والمجتمع راح يتقبل شوي شوي واللي يقول مضايقات الشباب هاذاهم يضايقونهن وهن يمشن على رجولهن ولما يتعودون بيصير ش يعادي ويعقلون. وتراه شرعا مو حرام
وسلامتكم