جيتكم ومالي حد بالدنيا غيركم .. إدعولي الله يفرج همي ويبعد عني السوء .. تعبت .. مرضت ولولا إيماني بربي لأنتحرت .. كل يوم كنت أتجرع الألم .. أبكي بصمت مافي حد يسمعني صوتي راح بعد ما تعب مني ..ألم مثل السيوف تقطع جسمي .. حاسه إن الدنيا قتلتني وأنا مالي ذنب ليش يصير كذا فيني .. يأست تحطمت .. لجأت لربي حتى يبعد عني سموم القهر والحزن .. حاولت أعمل المستحيل بس والله إني ما قدرت .. قصتي مع إنسان أحبه أموت فيه وأعشقه ألا وهو (زوجي) .. نعم هو زوجي إللي عمل فيني كذا .. بعد هذاك الحب العاصف وإللي كان بيننا حب وغرام وكلام مثل الأفلام السينمائيه خدعني ..كذب علي بإسم الحب .. تزوجنا وأنجبت له خمسة أطفال .. جاني يزف لي خبر على إنه بيتزوج علي وإذا حبيت أبقى على ذمته على راحتي .. طيب ليش إيش التقصير إللي أن عملته .. حياتي .. وعمري .. وحبي .. وتضحياتي عطيتهم له .. كل أنواع الحب والكلام والرمنسيه إستخدمتها له .. ثقفت نفسي .. وتعلمت أنواع الأخذ والعطا بين الزوجين .. دخلت كل المواقع الموجوده في النت حتى أتفنن وأتعلم كل شي يتعلق بين الأزواج .. حتى ما يصير مني أي تقصير فيه .. كنت خايفه من هذي اللحظه إللي راح تجي ويقولي إنه بيتزوج وحده ثانيه وبالفعل جت اللحظه وقالي إياها .. كانت مثل المطرقه تنظرب على الراس .. صدمه أفقدتني حواسي لدرجة ظليت في المستشفى عدة أيام ما قادره أستوعب الكلام .. وين أروح ولمن .. أهلي بعيدين عني كثير .. ماعندي حد يوقف معي .. حتى في يوم وجودي في المستشفى ما قالي ما تشوفي شر (..).. أو يدعيلي إني أقوم بالسلامه .. تغييييييييييييييير علي حبيبي .. ما أعرف إيش صار فيه .. وليش علاقتنا وصلت لهذي الدرجه وكيف وصلت بعد هذاك الحب الكبير إللي بيننا ... طلبتكم لا تردوني نفسيتي تقتلني .. أموت وأحيا في اليوم ألف مره .. لما أشوفه أمامي .. أحبه وهو كان يبدلني الحب هذا .. ويقولي إنه يحبني ويرغب بي في كل الأوقات .. بس ليششششششش الزوجه الثانيه ليش.. والله حرام إيش مصير أولادي بدون أب لما يحتاجوه ما يكون معاهم .. وأنا شو بيكون مصيري .. بعد ما تعودت أنام جنبه .. وفي حضنه .. أمزح معه وأضحك معه .. زوجي بيروح لوحده ثانيه تراعيه .. تعتني فيه .. يسلمها نفسه .. يلمس وحده غيري .. صعب إني أتقبل الوضع .. والأصعب لما يروح مني .. عذروني طولت عليكم بس قسم بالله أتوجع .. أبكي بدل الدموع دم .. ربي أحتاجك تخفف ألمي .. مالي غير القرأن نوري وراحتي .. فيه ألم أصعب من كذا ..