السلام عليكم .......
انا في خضم مع المشاكل مع زوجي دايم يحب يعاكس ومعهم يقول غزل وقصايد وكلام حلو ويضيق صدره اذا ماكلمهم واذا قلت له غزل او قصيد يقول هذا من المسلسلا ت تركيه مع اني ماحب اشوفها ..ودايم اغير في شكلي ولبسي ويقول انتي مراهقه مافي كلام حب بين الزوجين وحتا لما ننام يقول لاتلبسي ملابس النوم انتي جنسيه همك غريزتك وشلون لو اخذ انتداب بتطلعين الشارع قلت انت زوجي وهذ لك انت انا اعف نفسي عن الحرام بصراحه تمنيت الموت واخر مره زعل علشان دقيت علا حبيبته بس والله نصحته ولابينت انها تكلم زوجي وهي متزوجه وعطته الرقم وقام يهاوشني ويقول والله لولا العيال كان طلقتك واخذ الجوال وكسره انت موحرمه وراح للغرفه وصار يكلمها ورسل لها رسايل يراضيها عشان ترد وبصراحه انا شفت جواله حتى رسايل العيد ماارسل لي ويرسل لها ويقول لها انتي من ضروريات الحياه عندي ابحترق ردي ياعيوني ونا ياكلبه طقي براسك الجدران وكلمت اخوي بس مافادني يقول عشان عيالك ونا قبل المشكله كنت مغيره في شكلي والبيت وانتضرته لانه مخيم بالبر ولما رجع علا طول فتح الموضوع بهواش علشانها ويهددني والحين مااكلمه ولا يكلمني وهي لها اساليب الرضى والحب والدلال والحنان ويحرق جواله رسايل لها عمري بسرعه ردي ماتحمل سكوتك ارضي عني والله ماقدر شنو اسوي ياليت تساعدوني انا افكر بالطلاق ولا همي احد عشان يحس ..... وشكرا والله اكتب وانا قلبي يتقطع ودموعي علا خدي لاني كلمت امه والوضع عادي تقول كل الرجال كذا وتايده وتقول له زوجه تطبخ وتغسل وحبيه لروحه وقلبه قلت خذيله شغاله..