السلام عليكم اعضاء المنتدى
اود ان اطر مشكلتي لعلي اجد الحل لديكم
انا فتاه ابلغ من العمر 23 سنه كنت احب ولد عمي وكان حب من طرف واحد لاني مابينت حبي ابدا وبعد سنتين صارحني ولد عمي الثاني بحبه لي ونيته بالارتباط
انصدمت من الكلام اللي سمعته لانه قال هو يحمل هذا الحب من سنوات وكان متردد بمصارحته ولكن جاء الوقت الي يصارحني فيه لانه نوى الزواج وحب ان يبلغني بالي في نفسه لم يطلب مني اي رد وقال فكري وخدي وقتك وانتظر منك الرد
حزنت كثير من هذا الطلب خصوصا انه شخص جدا محترم ولكني احب غيره وسبحان الله بعد اسبوعين يكلمني ولد عمي الي احبه وقال نفس الكلام وقال احبك من اول بس ماقدرت اصارحك خصوصا انك اعز وحده عند اختي خفت هذا الموضوع يخرب علاقتكم لو صدر مني اي تصرف لكن انا كلمت الوالده وقالت راح اخطبها لك اول ماتتو ظف وانا توظفت اكيد عندك خبر وش رايك بالموضوع . قلت مقدر ارد عليك قال خذي وقتك وفكري
ثاني يوم امي تقول كلمتني صديقتي تبي تخطبك لولدها وابوكي سأل عن الولد وطلع كويس بكره بيجي يشوفك قلت ليش قالت شوفه بس بعد ماتشوفيه فكري واستخيري ومحد راح يغصبك
طبعا اولاد عمي وصلهم خبر الاول اتصل ويعاتب وليش تقبلي. هاذي الحركة تدل على انك ماتبيني ليش ماقلتي من الاول ولا عطاني فرصة ادافع عن نفسي
اما الثاني اللي احبه قال لكي حريه الاختيار بس كنت اتمنى تكوني من نصيبي شوفي اللي يريحك وسويه
وصل العريس ودخلت وتكلمنا وحسيت اني ارتحت لكلامه واسلوبه رجال قمة في الذوق والاحترام بس ولد عمي اللي احبه ماكان يغيب عن بالي
كلمت امي وقلتلها بنت عمي كلمتني وقالت ان اخوها يبيني وبيجو يخطبوني
وش رايك ؟
قالت يابنتي ولد عمك توه متوظف وامه دايم تشتكي انه مستهتر ومايدوم على وظيفه ودايم سهر برا البيت
لكن هذا انسان يصلي ويعرف ربه ويشتغل له 5 سنوات وسمعته بين الناس ممتازه انا راي تاخذي هذا حياتك مومضمونه مع ولد عمك
سكت واستخرت اكثر من مره وبعد الشوفه ب اربع ايام جاني خبر ان ولد عمي الاول خطب وحده ثانيه واتصل يقول مو انتي اللي تسوي فيني كذا
بعد هاذي الحركه خفت من ولد عمي الثاني ان ممكن يسوي فيني اي حركه قلت لا راح اختار العريس الغريب افضل
ووافقت طبعا كلمني بعدها ولد عمي اللي احبه بارك وقال الله يوفقك طالما هذا اختيارك وانا من جوتي حزينه وخايفه ونفسي اكلمه واقوله اني احبك بس في شي يربط لساني ماقدرت
المهم تزوجت وكنت مبسوطة اول 4 اشهر بعدها بدت المشاكل بينا بسبب اهله كل كبيره وصغيره بينا يوصلها لامه وتجيني وتبهدلني
حاولت افهمه ان اللي بينا لايطلع بس كان يقول امي مااخبي عنها شي ولعلمك لو قالتلي طلقها باي وقت راح اطلقك مهما كان حبي لك امي اهم منك
حاولت اتحمل لعل الله يصلح الامور لكن مافي فايده بعد سته اشهر رحت بيت اهلي وطلبت الطلاق وتطلقت
رجع ولد عمي اللي احبه وهو لسه ماتزوج وكلمني وطلبني للزواج مره ثانيه
وقال والله يابنت الحلال انا احبك وشاريكي بس انتي وافقي. وقتها ما سكت صارحته بحبي وقلتله كل شي
قال خلاص اللي صار ارميه ورى ظهرك انا اليوم راح اكلم الوالده تكلم امك وتخطبك
وبعدها بيومين اتصل وقال الموضوع راح يطول شوي لان امي مو راضيه وقالت
اول مارضت فيك وفضلت الغريب عليك والحين بعد ماتطلقت رجعت لا اناماازوجك وحده مطلقه . مالقت غيرك تضحك عليك. وانا راح اقنعها وبقولها انا احبك ولا راح اتزوج غيرك .بس حبيت اكلمك واخليك بالصورة عشان لاتقولي غاب ولا سأل
وبعد فتره بشرني وقال امي رضت وخلاص راح تكلم امك . واتصلت وصارت الخطبه لكن امه صارت
تتكلم قدام الناس عني وتقول انا موراضيه وانا ماابي هاذي البنت انا مو فرحانه بخطبة ولدي والناس تجي توصلي كلامها
حتى لما اشوفها عند الاهل ماصارت معي مثل اول تسلم علي بطرف يدها وقالبه وجهها ولاتكلمني ومحسستني انها مضايقه مني بينت لخطيبي وقال خليها فتره بعد الزواج لما تشوفنا مرتاحين راح يتغير الوضع
بس انا مره خايفه هل استمر مع خطيبي ولا انفصل خايفه يصير معي مثل ماصار في زواجي الاول اترك حبيبي للمره الثانيه عشان مااسبب مشاكل بينه وبين والدته ومشاكل مع العائلة او استمر والله محتاره