السلام عليكم ورحمة الله وبركاتة
...عندي مشكله يآليت الآقي الحل عندكم ....
انا متزوجه لي سنه وكم شهر
من اول الزواج كنت وحده حماسيه واخطط وبسوي في بيتي كذا وكذا لكن زوجي الله يهديه
يوقف حماسي خاصه اتأثر فيه انا وراح كل تخطيطي وحاليا لي سنه وكم شهر ولا تغير شي في بيتي
الصاله مافيه اثاث جديد تخيلوا الممر سراميك فاضي بس لوحتين فيه
اذا طلبت من زوجي قالي اهم شي الاساسيات
وانا عسل معاه وطيبه كثير مامدح نفسي والله
اذا قالي اهم شي اللي ناقص الاساسيات ازعل وسكت ودايم يحسسني اني اصرف كثير وكم مره يقولي انتي طفرتيني (خلصتي فلوسي)
ومرا عصبت ورحت جبت ورقه وقلم قلت اكتب طلباتي حقت الشهر هذا .. قعد يضحك قال امزح شدعوى
هو دايم كذا يقول الشي من قلب واذا واجهته يقول امزح
قولولي ايش اسوي فيه اشياء من حقي لكن اسكت عنها ومع ذالك يشوفني اصرف منه كثر
وانا عايشه ع حافز ومدلعه روحي وطبعي كذا ماامسك الريال اشتري وخربط اعترف لكن من فلوسي
لييييييش هو دايم يحسسني انه مامعه شي
واني انا اللي خلصت فلوسه مع ان راتبه الحمدلله زين
نفسي يومـ هو يجيني ويقول
حبيبتي يلا نطلع اي شي نفسك فيه اخذيه وزيني بيتك وغيري اللي تبين ((أأأآه شكلي احلم ))
انا احبه وداريه ومدلعته ومعطيته حنان ليش يستكثر علي انه يدلعني ابيها تجي منه مابي اطلب منه شي احس ببكي قدامه وقول ليه انت كذا
هو بنفس الوقت طيب لكن يتصرف تصرفات شكله مايدري عنها
ودايم اذا قال شي اصدقه وتخربط احس اني غلطانه ولما افكر يكون الصح معاي
ارجوكم ساعدوني يابنات ورجال اكيد الرجال يفهمون لبعض كيف اتصرف معاه وخليه يدلعني هل النوعيه هاذي ماينفع معهم الا الأمر واقسى عليه شوي ؟؟!! :121:
اكيد تربيته غير يعني احيانا احس يتعامل معي مثل مايتعامل مع خواته يعني انا كنت حامل وبالشهر التاسع حتى ماكنت اقعد بس اركض
وشوف طلباته وامس جايين بالطريق لبيتنا قال انتي طلبتي الاله حقت المطازيز عجازه (وانا كنت طالبتها بحملي )
قلت له اللي مايشكر ترا النعمه له ماتدوم قال الحمدلله انا شاكر ربي سكت سكت سكت لاني كنت ببكي خلآلآلآص
اغلب الحريم بحملهم كله نوم 24 في 24 وانا كان همي هو ومابي اقصر عليه بشي
قوقولي كيف اتصرف احس اني كاسره خاطر روحي ومابي اضغط عليه احس اني شريره كذا .. :v9v9net_026:
اعذروني ع الكلام الكثير ويمكن مو مرتب بس والله ظايقه فيني ساعدوني مابي اتصرف بشي بكرا يأنبني ضميري خاصه هو محسسني ان كل شي للزوج
والرسول عليه الصلاة والسلام قال لو امر احد يسجد لاحد كان تسجد الزوجه لزوجها ودايم يقولها لي آه يارب ساعدني :111: