بصراحه ماني عارفه كيف ومن وين ابدأ !!!
بس راح أختصر لكم قصتي ،،،،،،،،،،،
انا متزوجه صارلي سبع شهور وطبعا" زواج تقليدي بس لاحظت على زوجي تصرفات غريبه
* تجيه نوبة بكاء قويه ومفاجئه وبدون اي سبب ولما يهدا واسئله يقولي كل العرسان الجدد كذا مع العلم انو امه وابوه احياء وماعليهم الا العافيه ،،،،،،،
* يجلس يومين ماينام وثلاثة ايام صاحي واذا يبي ينام لازم بمنومات
* يخافون منه اهله ولا فيه اي رابط كلامي بيناتهم ابد مع انه حنون وطيب معاي
* يستخدم ادويه غريبه حتى لما حاولت اقرا النشره المرفقه مالقيتها ويوم سألته قالي انو صاحب الصيدليه اللي يتعامل معاه يسوي له خصم ويطلعهم من الكرتونه ويعطيه اياها كذا لانشره ولا كرتون
* يحاول دايم يمنع اتصالاتي بأمه وخواته مع انو علاقتي معاهم الحمدلله تسر الله وخلقه وهم ناس مره طيبين ولا شفت منهم شي ابد
* يهين امه وابوه قدامي لدرجه تنرفزني وتخليني ابكي وازعل منه لاني اخاف انهم يسيؤن الظن فيني
* ماله اي صداقات ابد ولا له معارف ولا احتكاكات خارجيه مع احد حتى اخوه الوحيد
حاولت اعرف اذا كان مدمن وماقدرت لاني ماعرف بالضبط النوعيه هذه زين بس مامعاه ريح ابد ،،،،، امانه ساعدوني وش تتوقعون يكون معاه واذا انتم قد واجهتكم هالمشكله ياليت تفيدوني ؟؟؟؟ بصراحه انا افكر بالطلاق لان اللي مافيه خير لاهله مافيه خير للناس والله اني احيان كثيره اقضي يومي معاه بقلق وخوف وبصراحه انا خايفه اقول لاهلي واكون ظالمته بسالفة مدمن والظلم ظلمات يوم القيامه
الله يجزاكم الجنه وجهوني للصواب ؟؟؟؟؟؟؟؟؟؟؟؟؟؟؟