السلام عليكم . انا حابه اطرح سؤالي للناس الي يفهمو في الدين كوويس انا قصتي انو ابو زوجي اتوفى وام زوجي اكيد طبعا في العده ليها شهرين وانا زواجي بعد 20 يوم وكان الزواج حاايسير في بيت اهل اهل زوجي الا انو عمانو رفضو وقالو ماعندكم قلب تسوا عشاا في بيت ميت وخلاص انتهى الموضوع وقلت انا اسويه في بيتي وكان كلو حيسير في البيت بس عماتي اتدخلو لا نو البيت صغير محا يكفي وهما من النوع القووين محد يقدر عليهم وقالو مايسير البنت تخرج كداا من البيت لازم نسويلها شي بسيط وزوجي رفض دي الفكرهانو ليش نسوي في قاعه ابوه ميت وامو في العده وماايبا يتزف معايه وانا رضيت وكمان يقولي ليش في مغنيه قتلو ايوه بس اسلامي بي الطبال قلي والناس حاايرقصو قتلو اكيد اجل حااقول للناس لاترقصوا فااعصب مني وقلي معليش لاتكلميني غير قبل الزواج بكم يوم انامابا تسير مشاكل بسببك ومااعرف ايش الحل هل هوا حرام اسوي زواج في قاعه او استراحه وفي مغنيه عشان ابوه ميت ليه شهرين وغير كدا نحنا حاجزين الفنادق الي حنام فيها فما يصير ناجل شي ولو ماسار زواج بسيط دحين بعدين هوا محاايسوي فاانا حاسه نفسي بجد مو عروسه كل مين يبا مصلحه نفسو وانا مرره تعبت من دي الحكايه وكمان هما لخبطو الموضوع كان في البيت وبدون اغاني ولاشي عشان امو ورضيت وعادي بعدين غيرو كل شي وماعرف ايش الحل ياريت تفيدوني