مرحبا حبايبي انا طرحت قبل فتره مشكلتي مع زوجي وطبعآ مثل مانتو عارفين لي ثلاثه شهور عند اهلي
المهم ..
المشكله ان اهلي اذا الوحده مننا زعلت مع زوحها خلاص يعتبرونه غريب ويصير حظر عليك لا تكلمينه ولا تشوفينه
ولما تذكرني زوحي وجاء يعتذر كانو مسوين حالة استنفار ماتقعدين معه لحالك وبغو يستعينون برجال المارينزالمهم اخوي اقنعهم انه فيه امور خاصه ومفروض محد يسمعهاطبعآ سمحولنا ومن كثر ماحسسوني انه رحال غريب احترت اطلع كذا ولا البس عبايه ونقاب طبعآ انا متأكده انهم كانو عند الباب مو يتسمعون لا فدينهم لا كانو يحرسوني لا يسرقني المهم جلسنا وبدا يتعذر ويتأسف ويتعهد ويحلف ويقول سم وآمري طبعآ انا سامحت ورضيت بس مانسيت تطنيشه لي وشرطت شروط ووافق عليها وتكلمنا عن اشياء كثيره ووعدني انه يتغير
جاء اليوم الثاني بعد ماتراضينا وقال بكره بمرك نطلع نتعشى برا ونكمل كلامنا طبعآ اهلي بغى يجيهم جلطه لا ماتطعين قلت ليش قالو لين يجيب رضاوتك بعدهاجاني عشان يقولي بغير البيت وش تبين بلاط للحمامات (تكرمون)وفرش وغيره كان ودي اطلع اختار بس مو راضين
ابي اعرف ليش هالتصرفات من الاهل؟
الشي الثاني وش اطلب رضاوتي حقت التطنيش ثلاثة شهور وهل لي حق بطلبها؟
الشي الثالث كيف اتعامل معاه ؟رسمي عشان يحس بغلطته او انسى وافتح صفحه جديده؟