[poem=font="monotype koufi,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
دقيقه من فضلك قبل لاتروحيـن =عنـدي كـلام ولازم تسمعينـه
يمكن كلامي ينفعك عقب تقفييـن=ويمكن كلامي صعب ماتفهمينـه
يمكن اكبر من خيالـك وتدريـن=انـي كبيـر وعالمـي تجهلينـه
انا الذي جيتك على مـا اتمنيـن=عشق وقصيد وكل شـي تبينـه
لكن عقلك تاه واخطى العناويـن =تهتي وانا اللي كنت احسبك فطينه
كتبت فيك الشعر يمكـن تحسيـن =بس الشعر يابنـت وينـك وينـه
واليوم ماني لاعنٍ حظي الشيـن =ولاني بقايـل قلبـي الله يعينـه
واقول جعلتس في صدودٍ اتمادين =لانك رخصتي عقب ما انتي ثمينه
ولأني عطيتك فوق ماتستحقيـن =لا بد اصون القلب عن عاذلينـه
ولأن عنـدي للمحبـه قوانـيـن =لا يناسبـك قلبـي ولا تناسبينـه
روحي وانا بروح ولابـد تلقيـن =شخص مثل طبعك ولا تتركينـه
ولا ابتعدنا عن بعـض لاتظنيـن =اني على فرقاك نفسـي حزينـه
بالعكس انا ودي فراقك من الحين =لان الجفـا حقـك وتستاهليـنـه
شفتي وفا قلبـي ولازم تشوفيـن =وشلون قلبـي يحتقـر خاذلينـه
من باعني لابد أوري له الشيـن =واقطع حباله لـو حبالـه متينـه
خلاص من نفسي ولاعاد تسويين =ولاعاد لك في القلب غير الضغينه
حتى لو اني قلت لك شيخة الزين =تاكدي في عينـي اليـوم شينـه
واختصرها جمله بيـن قوسيـن =عشقن على غير الكرامه (غبينه)
عيبن على الرجال طرد المقفييـن =وعيبن على الرجال بنـت تهينـه
واخر كلامي لازم انك تعرفيـن=اني كرهت العشق والعن سنينـه[/poem]
لا أعرف من قائلها ...!!