السلام عليكم ورحمة الله وبركاتة
كيفكم ان شاء الله بخير
انا عندي مشكلة وابغالها حل وان شاء الله القاة عندكم انا متزوجة تقريبا من سنتين ونص ومن غباي رضيت اسكن مع اهل زوجي بغرفة علي اساس ماراح نجلس غير كم شهر ونخرج ببيت لحالنا بس شأت الظروف واتوفا ابو زوجي وانا حملت وولدت قلي ح نطلع بعد ماتولدي وولدت وجبت بنتي الاولي ودحين جبت الولد وانا والله في حالة نفسية ميعلم فيها الا الله صرت احس انو دي الغرفة قبر مو بيت واهل زوجي طيبين بس لازم المشاكل وغير كدا زوجي يفضلهم علية وديم اقول بيني وبين نفسي اخواتو وامو بس زاد حالو لدرجت انو يصرف علي اخواتو اكتر مني ومن بزورتو ادا طلبو 10 ادهم عشرين وانا قسم بالله اني مابالغ احيان يحاسبني علي الريال في ايش صرفتو احس انو مافي من ناحيتو لية اي مشاعر حب غير اني ام اولادو اتخيلو استاجرنا بيت من رمضان والين دحين مافرشنا وانا دحين جالسة في بيت اهلي لية اسبوع وقبل كدا جلست في بيت اهلي ثلاثة شهور واقنعني انو خلاص اجرنا البيت وراح اخد جمعية ونفرشو واخد جمعية 10 لاف بس والله غير الثلاجة ماجاب منها بعد الحاح مني والباقي من الفلوس راح علي اهلو ماقول انا ماخدت منها لا اخدت بس كيف اقولكم اخنصر يعني لمن انضف ملابسو اخد 20 او10 ريال لية ولعيالي ولا راح اكل هوء المهم نرجع لموضوع الغرفة او لقبر الي انا في اتخيلو انا وبنتي وولدي وزوجي في غرفة وحدة واغراضي واغراض البزورة والعابهم كل شئ يخصنا كعيلة في دي الغرفة طبعا اهل زوجي مايبغو اي شئ ليا اوللبزورةبرة الغرفةوالله لو عربية ولدي برة الغرفة يحطوها جنب الباب او يفتحو الباب وحنا نايمين ويدخلوها رضعات ولدي ادا خليتها في المطبخ القيها محطوطة في كيس ومعلقة ع الباب اي شئ والله القي قدام الباب فاتخيلو انتو شكل الغرفة كيف ح يكون مهما رتبتها مافي اي امل تترتب والله اكره ادخلها ولا اطالع في منظرها مادري فين اودي الاغراض في كل مكان شئ فزوجي طول الوقت يقولي الغرفة مو مرتبة وانا مو عارفة ايش اسوي المهم قبل اسبوع صار يزعق ويخاصم وبسب واكتر شي زعلي انو قلي ياوسخة انتي مو قادرة علي غرفة كيف بيت كامل يازبالة اصلن انتي زبالة ومد يدو علية لو ماسمع بنتو تقلو بابا سيب ماما حرام هي تسمع الكلام مرة تانية وماتزعلك ماسابني ولا فكر اتخيلو من دا الاسبوع لليوم وانا فكي يعورني والله الم مو طبيعي بس الله يسامحو
المهم انا طولت عليكم سامحونا بس والله انا ماعندي اي احد افضفضلو غير مخدتي
شكرا حبايب قلبي