الرومانسية
الحب هو الرومانسية والاحساس بالطرف الاخر لكن فى
هذا الزمن بنلاقى ان لحظات الرومانسية فى حياتنا بدات تقل وان كانت اوشكت تنقرض وخصوصا بين الازواج
والدليل على الكلام ده لو نشوف اتنين مخطوبين ازاى عايشين فى رومانسية وخيال وبعد جوازهم لحظات الرومانسية الى كانت بينهم بدات تقل ولما يخلفوا واولادهم يكبروا هنلاقى مفيش رومانسية اصلا وده بسبب مشاكل الحياة والاولاد والمصاريف ودوشة البيت من هنا :
لازم يظهر دور الزوجة الشاطرة تقدر تحافظ على زوجها معاها وتشاركه فى حياتها وحياة اولادها بدل مايهرب من البيت مع اصحابه وتتهمه دايما انه مش بيشيل معاها حمل البيت بس الزوجة كتير بتنسى نفسها وتهتم بس بالبيت والولاد وتنسى رومانسية حبها مع زوجها مع ان الست معروفة بالرقة والانوثة عشان كده هى لازم تبدا بالطرق البسيطة الى هتجيب اكيد نتيجة وترجع حياتها للرومانسية ولحظات الحب :
1_ لو قالك فى يوم انا خارج اسهر مع اصحابى حاولى تجذبيه للبيت قوليله هتخرج وتسيبنى خليك معايا وانا هعملك مفاجاة اطبخى اكلة جميلة والبسى فستان شيك واقفلى الانوار وافتحى ضوء الشموع بس لازم الولاد يناموا
2_بدل ماتنادى عليه يا فلان او يا ابو فلان قوليله ياحبيبى يا حياتى يا قلبى اى حاجة حلوة فى البداية هتكون الكلمة تقيلة على لسانك بس بكرة تتعودى عليها ومش هتقولى غيرها هو كمان هيستغرب هيسالك اكيد انت عايزة منى حاجة ولا يهمك برضة قوليله انا مش عايزة حاجة انت عندى كل حاجة
3_ابتكرى اى مناسبة وهاتيله هدية معلش كلفى نفسك وهتلاقيه هيردها ليكى باحسن منها
4_خليكى متجددة غيرى استايل لبسك شعرك ماكياجك خليكى متالقة زى النجمة كل يوم شكل ولبس جديد خليه يحس انه متجوز اكتر من وحدة خليكى دايما زى اول مرة شافك فيها
5_اختارى الوقت المناسب للكلام عن مشاكل البيت والاولاد مش وقت مايرجع من شغله ولا حتى فى وقت الرومانسية معاه خليكى معتدلة
6_لو خرجتوا سوا مرة ولقيتى قدامك واحدة حلوة شوفى لابسة اية وطريقة ماكياجها وشعرها وبعدين راقبى نظرات جوزك ليها بحذر هتلاقيه بيبص ليها باعجاب هيجننك ولا يهمك شوفيها هى متميزة عنك فى اية ولما ترجعى بيتك فكرى ازاى تبقى احلى منها مفيش فى زمنا ده واحدة وحشة اللبس والميك اب والعدسات بيخلوا الوحشة ملكة جمال
فى النهاية اكيد تعبتوا من كلامى بس حاولو تجربوا والله مش هتخسروا كل مشكلة ليها حل ومفيش خجل او عيب
بينك وبين زوجك وربنا يسعدكم ااااياراب ويجعل كل ايامكم رومانسيه
تااغ