إجرح وأنا بَبْكي على قلبـي إجـرح
مادام لي قلبٍ يسامَحْك فـي الحـال
قلبٍ يسامح وانـت تجـرح ويَدْمـح
أبكيه؟ولاّ أبكيك؟ ولاّ ابكـي الحـال؟
قلبٍ على ذكـراك يمْسِـي ويصْبَـح
صَبرَه طويـلٍ لكـن مْعانـدِك طـال
قلب ٍ تركتك فيـه تسـرَح وتمـرَح
مِحتاج..حكّمْ داخل القلب.. محتـال!
لو تدري المجروح وشلـون يفـرح
وقَفْت له مِن دَهشتِك. وقفة إجْـلال
يفرَح. فرَح. مترقّب الموت. إذا أصْبَح
وهـو بظنّـه تالـي الليـل رحّـال
ولاّ فرح. خاسـر تجـاره. بمرْبَـح
فرحة غريقٍ .ساقه المـوج للجـال
لاشاف وجهك باسمٍ وانـت تجـرح
أو شافك بجرحه مع النـاس تختـال
ودّك تشوف الذلّ.في صورته صحّ ؟
شف دمعة الفرقا..على خـدّ رجّـال
ولاّتشوف الذلّ في صوره أوضـح ؟
شف بسمة المقتول. في وجه قتّـال
ياجماعه ان صحيح مالي بالشعر كثير بس هالقصيده اعجبتني حيل والبيت هذا من جد اعجبني مووووووووووووووووووت
ودك تشوف الذل 00في صورته صح
شف دمعة الفرقا00علىخد رجـــال