شوفي ياغلاي بكلمك بالبلدي زي مابيقولوا وبكون صريحه معاكِ ويشهد الله ما أكذب ولا أتصنع لأني عارفه ليه انطرح هالموضوع وابي اعطي اللي يبي يستفيد تجربه سنين طوووييييييله لعل الله ينفع بها ..
انا في بداية حياتي الزوجيه يعني الكم سنه الاولى والله العالم كم هي الكم سنه ذي ^ ^ كنت أسمع بسيرة الاستراحه تطلع لي قرون خخخخخ
طبعا مره اسوي مشكله ومره اتذمر وانا ساكته بس يوضح علي ومره اتدلل ومن هالمواويل ....
المهم مرت الايام وصرت الاحظ ان زوجي كلما زدت تذمر زاد حب وتمسك بهالاستراحات والسهرات لدرجة طلبات البيت وطلباتنا الخاصه تتأجل حتى طلب المستشفى ممكن يتأجل لولا الشديد القوي ..!! يعني صارت حياتي كلها استراحه ..!!
طبعا مع كثرة الضغوط وحملي لمسؤولية حياتي وعيالي لحالي قررت التزم الصمت
لكن المهم ان الصمت هذا مايكون مقرون بالمشاكل والتبرطم لالا صمت عن الاستراحه ووجه مبتسم بالغصب خخخخخخ
عشان أشوف تاليتها يعني يا أما تنحل يا أما تنعقد وتخرب مره وحده
سبحان الله مرت الايام وانا على صمتي وزوجي على سهراته وفي هالايام لاحظت اني تعودت على عدم وجوده وتعودت على الصمت وتعودت على ضبط الاعصاب وصار صمتي هدوء مريح لي ولزوجي
وبعدها سبحان الله لاحظت ان زوجي تغير وخف عناده وبدأ يمل أو يقلل من طلعاته
وبقدرة اللي ماتنام عينه بدت تتلاشى هالاستراحات الليليه شوي شوي لين صارت كل يوم ثلاثاء أو ممكن يكون مع يوم الثلاثاء يوم واحد يا الاربعاء أو الخميس اذا ماكنا مرتبطين طبعاً صار فيه اهتمام فينا وطلبتنا تتلبى قبل أي طلعه وصار همنا قبل هم الاستراحه اللهم لك الحمد
يعني تغيرت الحال بإرادة الله ثم بالصبر لين وربي بعض الاحيان صرت احن لطلعاته الكثيره >> هذي اللي يقالها مايعجبها العجب ولا الصيام في رجب خخخخخ
يعني ياغلاي حكاية الاستراحات مثل دوامه مالها قرار عند أغلب الرجال لكن اللي علينا احنا يالحريم ان الوحده تصبر وتدعي لزوجها بالهدايه وتهدي اعصابها لأن لكل بدايه نهايه ولابد مايجي يوم وتتغيير كل الامور
آسفه ع الاطاله يالغلا لكن بجد موضوعك قلب علي الذكريات مابقول المواجع ^ ^
ربي يحفظك ويسعدك على نقلك الراائع والمميز
ولك مني كل الود